ހައްދުފަހަނައަޅާފައިވާ ޔަހޫދީ ސިފައިން މަސްޖިދުލްއަޤްޞާއަށް ވަދެގަނެ ކަރުނަ ގޭހާއި ބަޑިން ހަމަލާދީފައިވާ މަންޒަރުތައް ދައްކައިދޭ ވީޑިއޯތަކެއް ޢާންމުވެއްޖެއެވެ.
ރިޕޯޓްތައް ބުނާގޮތުން މި ހަމަލާތައް ދީފައިވަނީ މިމަހުގެ 9 ދުވަހުގެ ރޭ ތަރާވީޙް ނަމާދު ނިންމައިލި ވަގުތުއެވެ. ސިފައިންގެ ބޭނުމަކަށްވެފައި އޮތީ ބިރު ދައްކައި މުސްލިމުން އެތަނުން ފައްސައިލުމެވެ. ހަމަލާތަކުގައި ބައެއް މީހުންނަށް އެކިވަރުގެ އަނިޔާތައް ލިބުނު ނަމަވެސް އެއްވެސް މީހަކު ޝަހީދުވިކަމުގެ މައުލޫމާތު ލިބިފައެއް ނުވެއެވެ.
