ބާޒު އުދުހިފައި އައިސް ތިރިކޮށްލައި ކުދި ފިޔޮއް ޖަހައިގަންނަ އުޞޫލުން ހައްދުފަހަނައަޅާފައިވާ ޔަހޫދީ ސިފައިން ފަލަސްޠީނުގެ ކުދިން ޖަހައިގަނެގެން ގެންދާތީ މައިން އެކުދިންގެ މައިންނަށް މިއަދު ކުރެވެން އޮތް ހަމައެކަނި ކަމަކީ އެ ޙާލަތުން އެމީހުންގެ ދަރިން ސަލާމަތްކޮށްދެއްވެވުން އެދި މާތް ﷲ އަށް ދުޢާ ކުރުމެވެ.
ދުނިޔޭގެ ކޮންމެ ޤައުމެއްގައި ދިރިއުޅުނު ނަމަވެސް ކޮންމެ މައަކަށްވެސް ފަލަސްޠީނު މައިންގެ މިހިތާމައިގައި ބައިވެރިވެ ދުޢާކޮށްދެވިދާނެއެވެ.
ކޮންމެ ޤައުމެއްގެ ކޮންމެ މުސްލިމަކަށް އަޅާ ވޭނަކީވެސް ހަމަ ހުރިހާ މުސްލިމުންގެ ގައިގައި އަޅާ ވޭނެކެވެ. ވީމާ ފަލަސްޠީނު މައިންނަސް ކުރިމަތިވެފައިވާ މި ނިކަމެތި ޙާލަތު ހިތް މައްޗަށް ގެނެސް އެމީހުންގެ ހިތާމައިގައި ބައިވެރިވެ އެމީހުންގެ ދަރިންނަށްޓަކައި ހެޔޮ ދުޢާކުރަމާތޯއެވެ!
"ޔާ ﷲ! ހައްދުފަހަނައަޅާފައިވާ ޔަހޫދީންގެ އަނިޔާވެރިކަމުން ފަލަސްޠިނުގެ ކުޑަކުދިންނާއި އެކުދިންގެ މައިންނާއި ފަލަސްޠިނުގެ ރައްޔިތުން ސަލާމަތްކޮށްދެއްވަވާނދޭވެ!" އާމީން
