އިރާންގެ ދިދަ ނެގި ބޭރުގެ ބޯޓު އަތުލައިގަތް މަސްތުވާތަކެތީގެ މައްސަލަ އިންޓަޕޯލް އާއި ދިވެހި ފުލުހުން ގުޅިގެން މަސައްކަތް ކުރަމުންދާ ކަމަށް ފުލުހުން ބުނެފިއެވެ.
ކޮމިޝަނާ އޮފް ޕޮލިސް މުހައްމަދު ހަމީދު މިރޭ ކުރެއްވި ޓްވީޓެއްގައި ވިދާޅުވީ، އެ މައްސަލައިގެ ތަހުގީގައި ފުލުހުންގެ ޑްރަގު އެންފޯސްމަންޓް ޑީޕާޓްމަންޓް (ޑީއައިޑީ)ގެ ޓީމްތަކާއެކު އިންޓަޕޯލް އިންސިޑެންޓް ރެސްޕޮންސް ޓީމަކުން މަސައްކަތް ކުރަމުންދާ ކަމަށެވެ.
އެމްއެންޑީއެފް ކޯސްޓްގާޑާއި ފުލުހުން ގުޅިގެން މިމަހުގެ 5 ވަނަ ދުވަހު ހިންގި ހާއްސަ އޮޕަރޭޝަންގައި ހއ. ތުރާކުނުގެ ހުޅަނގު އުތުރުން ގާތްގަނޑަކަށް 172 މޭލު (27.5 ނޯޓިކަލް މޭލު) ބޭރުން، ބޭރުގެ ބޯޓެއް ތިން ގޯނީގެ 70 ޕަކެޓްގައި 70 ކިލޯ މަސްތުވާތަކެއްޗާއެކު އަތުލައިގަތެވެ. މިބޯޓުން މަސްތުވާތަކެތި ރާއްޖެ އެތެރެ ކުރުމަށްޓަކައި ބޭނުން ކުރި ދިވެހި ދޯންޏެއްވެސް ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.
މިމައްސަލައިގައި ހައްޔަރުކުރި 12 މީހެއްގެ ބަންދަށް 15 ދުވަސް އަދި ދެ މީހަަކަށް ވަނީ 10 ދުވަސް ކޯޓުން ޖަހާފައެވެ.
An Incident Response Team of @INTERPOL_HQ is working with our DED teams in the Investigation of recently interdicted foreign vessel that was caught supplying narcotic drugs to a local vessel. We remain committed to disrupt drug trafficking and hit the illicit drug economy hard. pic.twitter.com/2CVdtyIT6B
— Mohamed Hameed (@M_Hameedh) October 12, 2019
