ކުރީގެ ރައީސް އަބްދުﷲ ޔާމީން އަބްދުލްޤައްޔޫމްގެ މައްޗަށް ދައުލަތުން އުފުލާފައިވާ މަނީ ލޯންޑަރިން މައްސަލައިގައި އެމަނިކުފާނަށް ހުކުމް އިއްވުމަށް މިއަދު ބޭއްވޭ ޝަރީއަތަށް ތައްޔާރު ވެއްޖެއެވެ.
13:46: ރައީސް ޔާމީން ކޯޓަށް ހާޒިރުވެ ވަޑައިގެންފި.
13:48: ރައީސް ޔާމީނަށް ހުކުމް އިއްވުމުގަ ޝަރީޢަތް ފަށައިފި.
13:49: މައްސަލަ ބައްލަވަމުން ގެންދަވަނީ ކްރިމިނަލް ކޯޓު ހިންގުމާއި އިސްކޮށް ހަވާލުވެ ހުންނެވި ގާޒީ އަލީ ރަޝީދު ޙުސެއިން އާއި ގާޒީ އަޙްމަދު ޝަކީލް އާއި ގާޒީ މުޙައްމަދު ސަމީރާއި، ގާޒީ އަލީ އާދަމް ގެ އިތުރުން ގާޒީ ހުސެއިން ފާއިޒް ރަޝާދު.
ކްރިމިނަލް ކޯޓު ސަރަހައްދުގައި އެއްވެ ތިބި މީހުންގެ ތެރޭގައި ކޮންމެވެސް ވަރަކަށް ހަމަނުޖެހުމެއް ހިނގައި، އެކަކު ވަނީ ފުލުހުންގެ ބެލުމުގެ ދަށަށް ގެންގޮސްފައި.
