މުލަކަތޮޅު މުލީ ޕޮލިސް ސްޓޭޝަނުން ތަހުގީގު ކުރާ މައްސަލައިގެ ތަހުގީގަށް މީހަކު ޙާޟިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ޙާޟިރު ކުރެވިފައިނުވާތީ އެމީހާ ހޯދުމުގެ މަސައްކަތް ފުލުހުން ފަށައިފިއެވެ.
މިމައްސަލައާ ގުޅިގެން ހޯދަނީ ބަންގްލަދޭޝް ރައްޔިތެއްކަމަށްވާ މޮހައްމަދު މުބާރަކް ހޮސައިން (31އ) (ޕާސްޕޯޓު ނަންބަރު:AB1297440) އެވެ.
ވީމާ މުޙައްމަދު މުބާރަކް ހޮސައިން 2019 ޑިސެމްބަރު 09 ވަނަ ދުވަހުގެ 10:00 އަށް މުލީ ޕޮލިސް ސްޓޭޝަނަށް ހާޟިރުވުން އެދެއެވެ. އަދި މުހައްމަދު މުބާރަކްއާ ބެހޭ އެއްވެސް މަޢުލޫމާތެއް ލިބިފައިވާނަމަ މުލީ ޕޮލިސް ސްޓޭޝަނުގެ ނަންބަރު 9980067 އަށް ގުޅާއި ހިއްސާކުރުމަށް އެދެއެވެ.
