އައްޑޫ ސިޓީ ހިތަދޫ އަތިރިމަތިން ގަވާއިދާ ހިލާފަށް ވެލި ނަގައި، ގިނަ އަދަދެއްގެ ވެލި ބަސްތާތަކެއް ފޮރުވާފައި ހުއްޓާ ފުލުހުން ހޯދައިފި އެވެ.
ފުލުހުންގެ މީޑިއާ އޮފިޝަލަކު ބުނީ 122 ބަސްތާ ވެލި ފޮރުވާފައި ހުއްޓާ ފެނުނީ މިއަދު ހެނދުނު 06:00 ހާއިރު އައްޑޫ ސިޓީ ހިތަދޫ ޕޮލިސް ސްޓޭޝަނުން ރަށު ތެރެ ޕެޓްރޯލް ކުރަމުން ދަނިކޮށް ކަމަށެވެ.
އެ މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައި ނުވާއިރު، އެކަން އިތުރަށް ބަލަމުންދާ ކަމަށް ފުލުހުން ބުނެ އެވެ.
