މޯލްޑިވްސް ބިޒްނަސް އެވޯޑް (އެމްބީއެސް) ގައި މިއަހަރު ހުރިހާ ގޮތަކުން އެންމެ މޮޅު ވިޔަފާރި ކުންފުންޏަކަށް އުރީދޫ މޯލްޑިވްސް ހޮވިއްޖެއެވެ.
ކްރޮސްރޯޑް މޯލްޑިވްސްގައި މިރޭ ބޭއްވި ކުލަ ގަދަ ރަސްމިއްޔާތުގައި އެމްބީއެސްގެ އެންމެ ޝަރަފުވެރި އެވޯޑު ކަމަށްވާ "ބިޒްނަސް އޮފް ދި އިޔާ" އެވޯޑާ އުރީދޫގެ ފަރާތުން ހަވާލުވެވަޑައިގަތީ އެ ކުންފުނީގެ ހެޑް އޮފް ސޭލްސް ހުސެއިން ނިޔާޒު އެވެ.
މީގެއިތުރުން އުރީދޫއަށް ވަނީ އަހަރުގެ އެންމެ މޮޅު ސީއެސްއާރު ހަރަކާތުގެ އެވޯޑު ވެސް ލިބިފައެވެ. މި ސީއެސްއާރު ހަރަކާތަކީ ޔޫއެންޑީޕީ މޯލްޑިވްސްއާއި އެޗްޑީސީއާއި ގުޅިގެން އުރީދޫއިން ކުރިއަށްގެންދާ ސްމާޓް ސިޓީސް ޕްރޮޖެކްޓެކެވެ.
މިއަހަރުގެ ބިޒްނަސް އެވޯޑްސް 2019 ގައި ފަސް ދާއިރާއަކުން ޖުމްލަ 29 ކެޓަގަރީއަކުން އެކި ފަރާތްތަކަށް ވަނީ އެވޯޑް ދީފަ އެވެ.
Truly humbled to receive the Award for Business of the Year 2019! We dedicate this award to the driving force behind our success - the entire team at @OoredooMaldives who are tirelessly working to enrich the lives of our beloved customers across the Maldives. #MvBizAwards2019 pic.twitter.com/dfSxeGWzSt
— Ooredoo Maldives (@OoredooMaldives) December 21, 2019
