ޤާސިމް ޙަސަނަށް ހަމަލާދިނީ މަރާލަން ނޫން ކަމަށާއި މާރާލީ ފޭރެން އުޅުމުގެ ތެރޭގައި ކަމަށް އޭނާ މަރައިލި އަދުހަމް ބުނެފިއެވެ.
ނޫސްވެރިންނަށް މައުލޫމާތު ދެއްވަމުން ސްޕްރިންޓެންޑެންޓް އޮފް ޕޮލިސް ޙަސަން ޝިފާޢު ވިދާޅުވީ ވަޅިން ފުރަތަމަ ހަމަލާދިނީ ފޭރުމުގެ ބޭނުމުގައި ކަމަށާއި ނަމަވެސް ޤާސިމް ވަލީގައި ދެއަތުން ހިފައި އަޑުގަދަކުރަމުން ކާރުން ފައިބަން އުޅުމުން މަރާލަން ހަމަލާ ދިނީ ކަމަށެވެ.
"އަދުހަމަކީ ވެސް ޑްރަގު ބަލީގައި ފަރުވާ ދޭން ކޯޓުން ހުކުމް ކުރުމުން ފަރުވާ ނުދެވި ހުރި މީހެކެވެ. ވައްކަމާއި ފޭރުމާއި ޑްރަގުގެ މައްސަލަތަކުގެ ރެކޯޓް އޮންނަ މީހެކެވެ. އޭނާ އެކަންކަން ކުރަނބީ ޒުރޫރީ ބޭނުންތައް ފުއްދުމަށެވެ."
މިކަމާއި ގުޅޭ ގޮތުން މިއަދުނޫހުގައި ލިޔަމުން މިގެންދާ ލިޔުންތަކުގެ ޞައްހަކަން މި މައްސަލައިންވެސް ހާމަވެގެންދެއެވެ.
--އިތުރު ތަފްޞީލް އަންނަނީ
