ކ. މާފުށީގައި ހަދަމުންދާ އިމާރާތެއްގެ ތެރެއިން 21 ފުޅި ބަނގުރާ ހޯދައިފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ މާފުށީގައި ބަނގުރާ ގެންގުޅޭ ކަމަށް ފުލުހުންނަށް ލިބުނު މައުލޫމާތަކާއި ގުޅިގެން މާފުށީ ޕޮލިސް ސްޓޭޝަނުން ހިންގި އޮޕަރޭޝަނެއްގަައި، އެރަށުގައި ހަދަމުންދާ އިމާރާތެއްގެ ތެރެއިން އިއްޔެ 14:25 ހާއިރު، ބަނގުރާކަމަށް ޝައްކު ކުރެވޭ 21 ފުޅި ފެނިފައިވާ ކަމަށެވެ.
މިމައްސަލައާއި ގުޅިގެން އަދި އެއްވެސް މީހަކު ހައްޔަރެއް ނުކުރެއެވެ.
މިމައްސަލަ ފުލުހުން އަންނަނީ ތަހުގީގު ކުރަމުންނެވެ.
