ކޮވިޑް-19 އާ ގުޅިގެން، ވިޔަފާރި ބަނދަރުން މުދާ ނެރުން ލަސްވުމުން އަރާ "ޑެމަރޭޖް" މި ދުވަސްވަރު ނުނަގަން މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ނިންމައިފިއެވެ.
އެމްޕީއެލްގެ ސީއީއޯ ޝާހިދު އަލީ މިކަމާގުޅިގެން ވިދާޅުވީ މި ދުވަސްވަރު ވިޔަފާރިވެރިންނަށް ލުޔެއް ދިނުމުގެ ގޮތުން، މުދަލަށް ޑެމަރޭޖް ނާރާ ގޮތަށް ހަމަޖައްސާފައިވާ ކަމަށެވެ.
ރާއްޖެއަށް ގެންނަ މުދާ ނެރެން ވިޔަފާރިވެރިން އަވަސް ވެގަނެގެން ނޫޅުމަށް ވެސް ސީއީއޯ ޝާހިދު ވަނީ އެދިފައެވެ.
