ފަރުޟު ނަމާދުގައިވެސް ސުންނަތް ނަމާދުގައިވެސް ފުރަތަމަ އައްތަޙިއްޔާތާއި ފަހު އައްތަޙިއްޔާތާއި 2 އައްތަޙިއްޔާތުވެސް ކިޔަންވާނެއެވެ.
ޚާއްޞަގޮތެއްގައި ފަހު އައްތަޙިއްޔާތުގައި އިބްރާހީމް ޞަލަވާތް ކިޔެވުމަށްފަހު ފަހަތުން އަންނަ ދުޢާތަކަށް ވަރަށް ބޮޑަށް ސަމާލުކަން ދޭންޖެހޭއެވެ. އެ ދުޢާތަކުގައި އެކަންކަމުން ރައްކައުތެރިކަމަށް އެދި ދުޢާކުރުމަށް ރަސޫލް (ޞޢވ) އިރުޝާދު ދެއްވަވާފައިވާ ކަންކަމެވެ.
ވީމާ ފަރުޟު ނަމާދުތަކުގައިވެސް އަދި ސުންނަތް ނަމާދުތަކުގައިވެސް 2 އައްތަޙިއްޔާތުވެސް ކިޔަންވާނެއެވެ. އަދި އައްތަޙިއްޔާތުގައި އެމީހަކު އެދެން ބޭނުންވާ ކަންކަމަށް އެދި ދުޢާކުރަމުން ވެސް ގެންދާށެވެ!
- ޑރ. މުޙައްމަދު ޝަހީމް ޢަލީ ސަޢީދު
