އައްޑޫސިޓީ ހިތަދޫ އިން މިއަދު ގެއްލުނު ދެކުދިން ހޯދުމުގެ މަސައްކަތް އެމްއެންޑީއެފް ހެލިކޮޕްޓަރުގައި ފަށައިފިއެވެ.
މިދެކުދިން ގެއްލިފައިވަނީ ހިތަދޫ ހޮސްޕިޓަލާއި ދިމާލުން ފުއްޓަރު ފަރާތަށް މޫދަށް ގޮސް އުޅެނިކޮށެވެ.
އެމްއެންޑީއެފް ހެލިކޮޕްޓަރުން އެކުދިން ހޯދުމުގެ މަސައްކަތް ފަށާފައިވަނީ 12:25 ގައެވެ. އޭގެއިތުރުން އެކުދިން ހޯދުމުގެ މަސައްކަތް ކޯސްޓްގާޑުގެ ޑައިވަރުން ވެސް އަންނަނީ ކުރަމުންނެވެ.
އެމްއެންޑީއެފް އިން ބުނިގޮތުގައި، މިހާދިސާގައި އޮޔާ ގޮސްފައިވަނީ ތިން ކުއްޖެކެވެ. އޭގެ ތެރެއިން އެއް ކުއްޖެއް ފެނިފައިވާއިރު އެކުއްޖާއަށް އަންނަނީ ހިތަދޫ ރީޖަނަލް ހޮސްޕިޓަލުން ފަރުވާ ދެމުންނެވެ.
އައްޑޫސިޓީން ގެއްލުނު ދެ ކުދިން ހޯދުމުގެ މަސައްކަތް ހެލިކޮޕްޓަރުގައި ފަށައިފި
