Dheenuge ilmeh neiy baeh vazeerun Dheenee Fatwa thah neruvvamun dhaairu @Dr_AhmedZiyad kobai tho?
— Dr Mohamed Iyaz (@dr_iyaz) July 25, 2018
ޑރ. އިޔާޟް މިކަމުގައި އިތުރު ތަފްޞީލެއް ދެއްވަވާފައެއް ނުވެއެވެ. ނަމަވެސް މީގެ ދެ ރޭ ކުރިން ޕީޕީއެމް އިން ބޭއްވި ރަސްމިއްޔާތެއްގައި ހޯމް މިނިސްޓަރު އަޒްލީން އަޙްމަދު ވަނީ މިފަހަރުގެ ރިޔާސީ އިންތިޚާބުގައި ރައީސް ޢަބްދުﷲ ޔާމީން ނޫން އެއްވެސް ކެންޑިޑޭޓަކަށް ވޯޓުދިނުމަކީ އިސްލާމް ދީން ހުއްދަކުރާ ކަމެއް ނޫން ކަމަށް ކަނޑައަޅުއްވައި އެކަން އިއުލާނުކުރައްވަވާފައިވުމުން ގިނަ ބައަކު ދަނީ ޑރ. އިޔާޟްގެ މި ބަޔާންކުރެއްވުމާއި ހޯމް މިނިސްޓަރުގެ ނިންމެވުމާއި ގުޅުވަމުންނެވެ.
ހޯމް މިނިސްޓަރު މިފަދަ ނިންމެވުމެއް ނިންމަވައި ޤައުމަށް އިއުލާނުކުރައްވަވާފައިވާއިރު ރާއްޖޭގައި ތިއްބެވި ދީނީ އިލްމުވެރިން ގެންދަވަނީ އެފަދަ ޙުކުމެއް އިސްލާމީ އެއްވެސް ހަމައަކުން ނުނެރެވޭނެ ކަމަށް ބަޔާން ކުރައްވަމުންނެވެ.
ހޯމް މިނިސްޓަރު ހަވާލާ ދެއްވި ޕީޕީއެމްގެ ނައިބް ރައީސް ޢަބްދުއްރަހީމް ޢަބްދުﷲ (އަދުރޭ) އަކީ އިސްލާމީ ދާއިރާއިންވެސް އަދި އެހެން ދާއިރާއަކުންވެސް އެންމެ ކުޑަމިނުން ފައުންޑޭޝަން ފެންވަރުގައިވެސް ތައުލީމް ޙާޞިލުކުރައްވައިގެން ހުންނެވި ބޭފުޅެއް ނޫންކަން ވެސް ފާހަގަކުރެވެއެވެ.
ހޯމް މިނިސްޓަރުގެ ވާހަކަފުޅު (އޯޑިއޯ):
