މިއީ ވަރަށް މަކަރުވެރި ގޮތެއްގައި އިސްލާމް ދީނާއި ދެކޮޅަށް ދޭ ހަމަލާއެއްކަން ހާމަކުރައްވައި ޑރ. އިޔާޟް ވަނީ މަކަރުވެރި އަނިވެރިންގެ ވަކިތަކުން ސަލާމަތްކޮށް ދެއްވެވުން އެދިވަޑައިގެން ދުޢާ ކުރައްވައިފައެވެ.
މީގެ އިތުރުން ޑރ އިޔާޟް ވަނީ ޝައިޚް އިލްޔާސް ހައްޔަރު ނުކުރެއްވިގެން އުޅުއްވާ ބޭފުޅުން ޠާހާ ސޫރަތުގެ 72 ވަނަ އާޔަތް ރުޤްޔާ ކުރެއްވުމަށް އެދިވަޑައިގެންފައެވެ.
އެ އާޔަތުގެ މާނައިގައި ވަނީ "އެއުރެން ބުނޫއެވެ. ޙުއްޖަތާއި ދަލީލުގެ ތެރެއިން ތިމަންމެންނާއި ހަމައަށް އައިސްފައިވާ އެއްޗަކާއި، ތިމަންމެން ހެއްދެވި ކަލާނގެއަށްވުރެ މައްޗަކަށް ތިމަންމެން ތިބާއަކަށް އިސްކަމެއް ނުދޭހުށީމެވެ. ފަހެ، ކަލޭގެ ކަނޑައަޅާ ގޮތަކަށް ކަނޑައަޅައި ނިންމާށެވެ! ހަމަކަށަވަރުން، ކަލެއަށް ކަނޑައަޅައި ނިންމޭނީ (ހަމައެކަނި) މިދުނިޔޭގެ ޙަޔާތުގައެވެ."
ޑރ. އިޔާޟްގެ ޓްވީޓް:
"ޝައިޚް އިލްޔާސް ޙުސައިންއަށް ދެވޭ ކޮންމެ އިންޒާރަކީ އަދި އޭނަ އާއި ދެކޮޅަށް ކުރެވޭ ކޮންމެ ކަމަކީ ރާއްޖޭގެ އިސްލާމީ ދައުވަތުގެ މަސައްކަތުގައި އުޅޭ ހުރިހާ އެންމެންނަށް އަދި އިސްލާމީ ދައުވަތަށް ދެވޭ ހަމަލާއެއްކަން ޔަޤީން. މަކަރުވެރި އަނިވެރިންގެ ވަކިތަކުން ސަލާމަތްކޮށް ދެއްވަވާށި. އާމީން."
Sheikh @ilyaasipa ah dhevey konme inzäraky adhi eyna äi dhekolhah kurevey konme kamaky Räjje ge Islami Dhauwathu ge masakkathugai ulhey hurihaa enmennah, adhi Islami Dhauvathah dhevey hamalä eh kan yagën. Makaruveri aniyäverin ge vaki thakun alhamen salämaiy kohdhevväshi. Aameen.
— Dr Mohamed Iyaz (@dr_iyaz) September 4, 2018
