ޚަބަރު

މަސީހު މަގާމުން ބޭރު ކޮށްފިނަމަ، މަޖިލީހުގެ ރައީސް ކަމަށް ވާދަ ކުރަން ނިންމައިފިން: އަދުރޭ

ކިޔުމަށް ހޭދަވާނީ 53ސ
މަސީހު މަގާމުން ބޭރު ކޮށްފިނަމަ، މަޖިލީހުގެ ރައީސް ކަމަށް ވާދަ ކުރަން ނިންމައިފިން: އަދުރޭ
ރައްޔިތުންގެ މަޖިލީހުގެ ރައީސް ކަމަށް މިހާރު ހުންނެވި އަބްދުﷲ މަސީހު މުޙައްމަދުގެ އިތުބާރު ނެތްކަމަށް ނިންމާ، އެމަނިކުފާނު އެމަގާމުން ބޭރުކޮށްފިނަމަ، ރައްޔިތުންގެ މަޖިލީހުގެ ރައީސް ކަމަށް ވާދަ ކުރައްވާނެ ކަމަށް ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ (އަދުރޭ) މިއަދު ވިދާޅުވެއްޖެއެވެ.

މަސީހުގެ އިތުބާރު ނެތް ކަމަށް ޕީޕީއެމް/އެމްޑީއޭ ކޯލިޝަންގެ 14 މެމްބަރަކުވެސް ހިމެނޭ ގޮތަށް ޖުމްލަ 51 މެމްބަރަކު މިއަދު ވަނީ ސޮއި ކޮށްފައެވެ.

ރައްޔިތުންގެ މަޖިލީހުގެ ރައީސް ކަމަށް އަދުރޭ ވާދަ ކުރައްވަން ނިންމާފައިވާއިރު، އިދިކޮޅު ކޯލިޝަންގެ ފަރާތުން މިމަގާމަށް ވާދަ ކުރައްވާނެ ކަމަށް ބޮޑަށް ބެލެވެނީ ޖުމްހޫރީ ޕާޓީގެ ބާނީ އަދި މާމިގިލީ ދާއިރާގެ މެމްބަރު ގާސިމް އިބްރާހިމް އެވެ.

ގާސިމް އިބްރާހިމް ވަނީ މީގެ ކުރިން ވެސް ޙާއްސަ މަޖިލީހުގެ ރައީސްކަން އަދާ ކުރައްވާފައެވެ.
މިއަދު އޮންލައިން