ﷲ ތަޢާލާ އުފާވެރިކަން ދެއްވަވަވައިފިނަމަ އޮތީ ޚަޒާނާގައި ހުރި ފައިސާކޮޅު މުންކަރާތް ތަކުގައި ތަޅާ ހުސްކުރުމެއް ނޫން ކަމާއި ޝުކުރުވެރިވުންކަން ޑރ. އިޔާޟް ފާހަގަކުރައްވައިފިއެވެ.
އިންޑިއާ އާއި ރާއްޖެ ބައްދަލުކުރާ މެޗުން ރާއްޖެ މޮޅުވެއްޖެ ނަމަ ފައިނަލް މެޗާއި ހަމައަށް ކޮންމެ ރެއަކު މިޔުޒިކް ޝޯ ބާއްވަން ޔޫތް މިނިސްޓަރު ނިންމެވުމާއި ގުޅިގެން ދީނީ ޢިލްމުވެރިޔާ ޑރ. މުޙައްމަދު އިޔާޟް ޢަބަދުއްލަޠީފް، ޔޫތު މިނިސްޓަރު މަޚުލޫފަށް ޓެގްކުރައްވައި ކުރެއްވި ޓްވީޓުގައި ވިދާޅުވީ "އެތައް ރައްޔިތުންތަކެއް އެމީހުންގެ އަސާސީ ބޭނުންތައް ނުފުއްދި ތިއްބާ، ޚަޒާނާގައި ހުރި ފައިސާކޮޅު މުންކަރާތް ތަކުގައި ތަޅާ ހުސްކުރަން ކުރައްވާ މަސައްކަތް ހުއްޓަވާލައްވާ." ށެވެ.
ޑރ. އިޔާޟް މިފަދަ ބަސްފުޅެއް ވިދާޅުވުމުން ގިނަ ބައަކު ގެންދަނީ އެއީ ހެޔޮ ނަޞޭޙަތެއްކަން ޤަބޫލުކޮށް ޢަމަލުކުރެއްވުމަށް މަޚްލޫފްގެ އަރިހުން އެދެމުންނެވެ.
ފޯރިނަގާލާ ގިނަބަޔަކަށް ބައިވެރިވުމުގެ ފުރުސަތު ދިނުމަށް
— Ahmed Mahloof (@AhmedMahloof) October 12, 2021
ޔޫތު މިނިސްޓްރީ، @OoredooMaldives @MaleCitymv
FAM
ގުޅިގެން މާދަމާ ހަވީރުން ފެށިގެން ކާނިވަލުގަ މެޗު ބެލުން އަދި މިޔުޒިކް ޝޯވް ގެންދަން ވަނީރޭވިފަ.
މޮޅުވެއްޖެނަމަ ފައިނަލް މެޗާ ހަމަޔަށް ކޮންމެ ރެޔަކު ޝޯވް ބާއްވާގޮތަށް. pic.twitter.com/nir27r3UgK
އެތައް ރައްޔިތުންތަކެއް އެމީހުންގެ އަސާސީ ބޭނުންތައް ނުފުއްދި ތިއްބާ، ޚަޒާނާގައި ހުރި ފައިސާކޮޅު މުންކަރާތް ތަކުގައި ތަޅާ ހުސްކުރަން ކުރައްވާ މަސައްކަތް ހުއްޓަވާލައްވާ. @AhmedMahloof
— Dr.Mohamed Iyaz (@dr_iyaz) October 12, 2021
