މައިން ބަފައިން ދަރިންނާއި މެދުގައި ގޯސްކޮށް ކަންތައް ކޮށްފައިވުމަކީ ދަރިން މައިންބަފައިންނާއި މެދުގައި ގޯސްކޮށް ކަންތައް ކުރުމަށް އޮތް ޙުއްޖަތެއް ނޫނެވެ. މައިންބަފައިން އެބައިމީހުންގެ ބޮލުގައި އެޅިފައިވާ ޛިންމާ ހެޔޮ ގޮތުގައި ނުއުފުލީއެވެ. ނަމަވެސް ދަރިފުޅު އޭނާގެ ބޮލުގައި އެޅިފައިވާ ޛިންމާ ފުރިހަމަ ގޮތުގައި އުފުލުމަށް ގަދައަޅާ މަސައްކަތް ކުރަން ޖެހޭނެއެވެ.
ދެންއޮތީ މަންމަ/ބައްޕަގެ އުޅުން އިޞްލާޙު ކުރުމަށް މަސައްކަތް ކުރުމެވެ. އެގޮތުން މަންމަ/ބައްޕަ އަށް ނަޞޭޙަތްދޭށެވެ. ނުކެރުން އެއްފަރާތްކޮށްފައި މަންމަ/ބައްޕަ އާއި ވާހަކަ ދައްކާށެވެ. މަންމަ/ބައްޕަގެ ކިބައިގާ ހުރި އިޞްލާޙު ކުރަން ޖެހޭ ކަންތައްތަކުގެ ވާހަކަ ބުނެދޭށެވެ. އަދި މަންމަ/ބައްޕަ އަށް ހެޔޮވިސްނުން ދެއްވުން އެދި ދުޢާ ކުރާށެވެ. އިން ޝާ ﷲ ކާމިޔާބުވާނެއެވެ. والله أعلم
- ޑރ. މުޙައްމަދު އިޔާޟް ޢަބްދުއްލަޠީފް
