ޢާއިޝަތު ރަފާޙް ޢަލީ
. ހަނދުގައި ނޫރެއް ލެއްވުން:
މި އާޔަތާއި އިރުއާއި ހަނދުގެ ވާހަކަ ލިޔެފައިވާ އެހެން އާޔަތްތަކުގައި މިޒަމާނުގެ ސައިންސުން ސާބިތުވެފައިވާ ޢިލްމީ ޙަޤީޤަތެއްގެ ވާހަކަތައް ބަޔާން ކޮށްދެއްވާފައިވެއެވެ. އަނދިރިކަން ފިލުވައިލުމަށްޓަކައި ރޭގަނޑު ހަނދުގެ އަލިކަން ލެއްވިއެވެ.
ﷲ ތަޢާލާ ނޫޙް ސޫރަތުގެ 16 ވަނަ އާޔަތުގައި ވަޙީ ކުރައްވާފައިވެއެވެ.
وَجَعَلَ الْقَمَرَ فِيهِنَّ نُورًا وَجَعَلَ الشَّمْسَ سِرَاجًا ﴿١٦﴾
މާނައީ: އަދި އެކަލާނގެ އެ އުޑުތަކުގައި ހަނދު نور އެއްކަމުގައި ލެއްވިއެވެ. އަދި އެކަލާނގެ އިރު، ވޮށެއްގެ ގޮތުގައި ލެއްވިއެވެ. (16)
. އިންސާނުންނަށް އިވުމާއި ފެނުން ދެއްވުން:
ﷲ ތަޢާލާ އިންސާނުންނަށް އިވުމާއި ފެނުމުގެ ޙިއްސު ދެއްވިއެވެ.
އެގޮތުން ނަޙްލު ސޫރަތުގެ 78 ވަނަ އާޔަތުގައި ވަޙީ ކުރައްވާފައިވެއެވެ.
وَاللَّهُ أَخْرَجَكُم مِّن بُطُونِ أُمَّهَاتِكُمْ لَا تَعْلَمُونَ شَيْئًا وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ ۙ لَعَلَّكُمْ تَشْكُرُونَ ﴿٧٨﴾
މާނައި: ތިޔަބައިމީހުންނަށް އެއްވެސް އެއްޗެއް ނޭނގޭގޮތުގައިވާ حال، ތިޔަބައިމީހުންގެ މައިންގެ ބަނޑުން، ތިޔަބައިމީހުން ނެރުއްވީ اللَّه އެވެ. އަދި އެކަލާނގެ ތިޔަބައިމީހުންނަށް އިވުމާއި، ފެނުމާއި، ހިތްތައް ލެއްވިއެވެ. އެއީ ތިޔަބައިމީހުން، شكر ކުރުމަށްޓަކައެވެ. (78)
