ބައެއް މީހުން ސުވާލުކުރެއެވެ. ގިނަ ބައަކާއި ޖިންނި ޝައިޠޯނުން އަވަލަނީ ކީއްވެގެން ހެއްޔެވެ؟ ގިނަ ބައަކު މަގުފުރެދި ހަލާކުވަމުން މިދަނީ ކީއްވެގެން ހެއްޔެވެ؟
ޖަވާބު ކީރިތި ޤުރްއާނުން ލިބެން އެބައޮތެވެ. ﷲ ތަޢާލާ ހަނދުމަކުރުމުން ދުރުހެލިވުމުން އޭނާގެ ބައިވެރިއަކު ކަމުގައި ޝައިޠޯނަކު ލައްވަވާނެ ކަމެވެ. މިއަދު މިފެންނަނީ އެކަން އެގޮތަށް މެދުވެރިވަމުން އަންނަ ތަނެވެ.
ގިނަ ބައަކު ﷲ ތަޢާލާ ހަނދުމަކުރުމުން ދުރުހެލިވެއްޖެއެވެ. އެއްވެސް ޖެހިލުމެއް ނެތި އެމީހަކު ކުރަން ބޭނުންވާހައި ފާފަތަކެއް ކުރަމުން ގެންދަނީއެވެ. ނަތީޖާއެއްގެ ގޮތުން އޭނާއަށް ޢަމަލުކުރެވެނީ ޝައިޠޯނާ ބުނާގޮތަށެވެ. ކުރަނީ ޝައިޠޯނާ ބޭނުންވާ ކަންކަމެވެ.
ހަމަ އެއާއިއެކު އެމީހަކީ ﷲ ތަޢާލާ ހަނދުމަކޮށް ހެޔޮ ޢަމަލުކުރުންމަތީގައި ދެމިހުރި މީހަކު ނަމަ އެމީހަކަށް ހިތްވަރު ދެއްވަވައި ހެޔޮ މަގަށް މަގުދައްކަވާނޭ މަލާއިކަތަކު ލައްވަވާނެތެވެ.
--މުފްތީ މެންކުގެ ދަރުސަކުން
