ތިބާގެ ވާހަކަތައް ފަތުރަމުން ހިނގާ މީހުންގެ ގާތުގަ "ތިބާ ތިއަކުރާ ކަމަކީ ތިބާއަށްޓަކާ ސުވަރުގޭގެ ދޮރުކޮޅުތައް ބަންދުކުރުން" ކަމަށް ބުނެލަން މި ޙަދީޘް ޝެއާކޮށްލާ!

އަހުރެމެން ނަމާދުކުރަމުއެވެ. އަދި އެހެން އަޅުކަންވެސް ކުރަމުއެވެ. މިހުރިހާ ކަންކަން ކުރަނީ ސުވަރުގެ ވަނުމަށްޓަކައެވެ. އެކަމަކު ގިނަ މީހުން އެންމެ ގިނައިން ކުރާ ކަމަކީ އެމީހަކަށްޓަކައި ސުވަރުގޭގެ ދޮރުކޮޅުތައް ތަޅުލުމެވެ. ތިމާއަށް ނުވަދެވޭނެ ގޮތަށެވެ.  

އެގޮތުން އެންމެ ގިނަ ބައަކު ކުރާ އެއްކަމެއް ފާހަގަކޮށްލާނަމެވެ. ހެނދުނު އެކުވެރިޔާއަށް ނުވަތަ އެހެން މީހަކަށް ނަމަވެސް ފޯނުކޮށްލާފައިވެސް ނުވަތަ ބައްދަލުވުމުންވެސް ފުރަތަމަ ކުރާނެ ސުވާލަކީ މިވެނި މީހެއްގެ ވާހަކަ އަޑުއެހިން ހެއްޔެވެ؟  

ސުވާލުކުރުމަށްފަހު ވިއްދައިގެން ފަތުރާނީ ކޮންމެވެސް މީހަކު ކުރި، ނުވަތަ ކޮންމެވެސް މީހަކު ކުރިކަމަށް ކޮންމެވެސް މީހަކު ބުނި ކޮންމެވެސް ވާހަކައެވެ. އެއިރުން މިކުރެވޭ ކަމަކީ ސުވަރުގޭގެ ދޮރުކޮޅުތައް ތިމާއަށްޓަކައި ބަންދުކޮށް ސުވަރުގެ ނުވަދެވޭނެ ގޮތް ހަދަނީކަމާއިމެދު ވިސްނައެއް ނުލައެވެ. އެކަމަށް އޮތް ޙަދީޘް މިއޮތީއެވެ.  

حَدَّثَنَا أَبُو نُعَيْمٍ، حَدَّثَنَا سُفْيَانُ، عَنْ مَنْصُورٍ، عَنْ إِبْرَاهِيمَ، عَنْ هَمَّامٍ، قَالَ كُنَّا مَعَ حُذَيْفَةَ فَقِيلَ لَهُ إِنَّ رَجُلاً يَرْفَعُ الْحَدِيثَ إِلَى عُثْمَانَ‏.‏ فَقَالَ حُذَيْفَةُ سَمِعْتُ النَّبِيَّ صلى الله عليه وسلم يَقُولُ ‏ "‏ لاَ يَدْخُلُ الْجَنَّةَ قَتَّاتٌ ‏"‏‏.‏ 

Narrated Hudhaifa:

I heard the Prophet (ﷺ) saying, "A Qattat will not enter Paradise." 

ލޮބުވެތި އަޚުންނާއި އުޚުތުންނޭވެ! ސުވަރުގެ ވަންނަން އެދޭނަމަ ފަތުރަންވީ މީހުންގެ ވާހަކަތަކެއް ނޫނެވެ. މީހުން ބުނާ ބުނިބުނިތަކެއްވެސް ނޫނެވެ. އިސްލާމް ދީނަށް ނަޞްރު ލިބޭނެ ފަދަ ވާހަކަތަކެވެ. ހެޔޮ ނަޞޭޙަތްތަކެވެ. ތިބާއަށްޓަކައި ސުވަރުގޭގެ ދޮރުކޮޅުތައް ހުޅުވިގެންދާނީ އެއިރުންނެވެ.

--އިސްލާމީ ތިލަފަތުގެ ދަރުސަކުން