ޙަދީޘްފުޅެއްގެ މާނާގައިވެއެވެ. "ޝަރްޢީ އުޒުރެއްނެތި، ހުކުރު ނަމާދުގެ މުހިއްމުކަމަށްނުބަލައި ތިން ހުކުރު އަޅައިފިތަ، އެއްވެސް ހެޔޮކަމެއް ނުވަންނާނޭހެން އެމީހާގެ ހިތަށް ﷲ ސިއްކަޖައްސަވައި ބަންދުކުރައްވައި، އެހިތް މުނާފިޤު ހިތެއްކަމުގައި ލައްވަވައެވެ."
މިކަމަށް އޮތް ޙަދީޘްފުޅާއި ގުޅިގެން 3 ހުކުރު އެޅިއްޖެނަމަ އެމީހަކަށް ތައުބާވެވޭނެ ކަމާއިމެދުގައި ބައެއް މީހުން ސުވާލު އުފައްދައެވެ. އެއްވެސް ޝައްކެއް ނެތެވެ. ތައުބާވެވޭނެއެވެ. އޮތީ ތައުބާވެ ދެން އެކަން ތަކުރާރުނުކުރުމެވެ.
ބައެއް މީހުން ފަރުޟު ނަމާދުތަކަށް ކަންނެތްވަމުން ގޮސް ހުކުރުނަމާދަށްވެސް ކަންނެތްވެއެވެ. އެއްވެސް ޝައްކެއްނެތެވެ. ހަމައެކަނި ހުކުރު ނަމާދުކުރުމަކުން އެމީހަކީ ނަމާދުކުރާ މީހަކަށް ނުވާނެއެވެ. ހުކުރު ނަމާދަކީ ހަފްތާގެ 7 ދުވަހު ކުރަން ފަރުޟު ކުރައްވަވާފައިވާ 35 ނަމާދުގެ ތެރެއިން އެންމެ ނަމާދެކެވެ.
ހުކުރުއެޅުމާމެދު ބިރުވެތިވާށެވެ! އެއީ ޖަމާޢަތުގައި ބައިވެރި ނުވެވިއްޖެނަމަ ޤަޟާކުރެވޭނެ ނަމާދެއްވެސް ނޫނެވެ. ކުރަންޖެހޭނީ މެންދުރުނަމާދެވެ.
--އިސްލާމީ ތިލަފަތުގެ ދަރުސަކުން
