ކޮންމެ މުސްލިމަކީވެސް ﷲ ތަޢާލާގެ ރަހްމަތްފުޅަށް އެދިއެދި ހުންނާނެ މީހެކެވެ. ރަނގަޅު ގޮތްތައް މެދުވެރިވުމަށްވެސް އެދިއެދި ހުންނާނެ މީހެކެވެ. އެހެންކަމަށްވާއިރު އެއްވެސް ޙާލެއްގައި އުންމީދު ކަނޑާނުލައި ހިފަހައްޓަން ޖެހޭ 2 ކަމެއްވެއެވެ.
އެއީ: 1 ﷲ ގެ ރަޙްމަތާއިމެދުއުންމީދު ކަނޑާނުލުން. 2 ކުރާ ދުޢާ އިޖާބަކުރައްވަވާނެކަން ޔަޤީންކުރުން!
މި 2 ކަންތަކުގައި ކެތްތެރިކަމާއިއެކު ސާބިތުވެ ހުރެއްޖެ މީހަކަށް އަބަދުވެސް ދާނީ ރަނގަޅު ގޮތްތައް މެދުވެރިވަމުންނެވެ! އިން ޝާ ﷲ
"އަދި ތިއަބައިމީހުންގެ ވެރިރަސްކަލާނގެ ވަޙީ ކުރެއްވެވިއެވެ. ތިއަބައިމީހުން ތިމަންރަސްކަލާނގެއަށް ދުޢާ ކުރާށެވެ! ތިމަންރަސްކަލާނގެ ތިއަބައިމީހުންގެ ދުޢާ އިޖާބަކުރައްވާހުށީމެވެ. ހަމަކަށަވަރުން، ތިމަންރަސްކަލާނގެއަށް (ދުޢާ ކޮށް) އަޅުކަން ކުރުމަށް ކިބުރުވެރިވެގަންނަ މީހުން (ދަންނާށެވެ!) ނިކަންހުރެ ނިކަމެތިވެގެންވާ ޙާލު، އެއުރެން ނަރަކައަށް ވަންނާނެތެވެ." (ޣާފިރު: 60)
--އިސްލާމީ ތިލަފަތުގެ ދަރުސަކުން
