ނަމާދު ނުކޮށް ކުރާ މަސައްކަތުން ލިބޭ އާމްދަނީ ޙަލާލުވާނެތޯ ؟ ބައެއް މީހުން ސުވާލުކުރެއެވެ.
- އާދެ! ކުރާ މަސައްކަތް ރަނގަޅުކަމަށް ވަނީނަމަ އެއާމްދަނީ ޙަލާލުވާނެއެވެ. ދެން ނަމާދު ނުކޮށް އެކަމުގެ ތެރޭގައި އުޅުން އެއީ ވަކިކުށެކެވެ. އެއީ އެއްގޮތަކަށްވެސް އާމްދަނީ އާ ގުޅުންހުރި ކަމެއް ނޫނެވެ.
- ޑރ. މުޙައްމަދު އިޔާޟް ޢަބްދުއްލަޠީފް
ވިސްނާލަންޖެހޭނެ ކަމަކީ ނަމާދުނުކުރާނަމަ އެމީހަކަށް ﷲ ތަޢާލާގެ ރުހިވޮޑިގަތުން ނުލިބޭނެ ކަމެވެ. އަދި އެމީހަކު ދާނީ ފާފަވެރިވަމުން ކަމެވެ. އަދި ނަމާދު ނުކުރުމަކީ ދީނުން ބޭރުވެގެންދާނެ ކަމެއް ކަމެވެ.
ކުރާ މަސައްކަތުން ކިތަންމެ ގިނަ ޢަދަދަކަށް އާމްދަނީ ލިބުނަސް އެއިން ޙަޤީޤީ ފައިދާއެއް ކުރާނީ އެއިގައި ﷲ ތަޢާލާ ބަރަކާތް ލެއްވެވުމުންނެވެ. އަދި ކިތަންމެ މަދު ފައިސާކޮޅެއް ލިބުނަސް އެއިގައި ﷲ ތަޢާލާ ބަރަކާތް ލައްވަވައިފިނަމަ އެމީހަކަށް ފުދިއިތުރުވެސްވާނެ ކަމެވެ.
އިތުރު ސުވާލެއް:
ހަތަރު ރަކްޢަތުގެ ނަމާދެއްގައި ހަނދާންނެތިގެން ފުރަތަމަ އައްތަޙިއްޔާތުގައި ނީންދެ ތިންވަނަ ރަކްޢަތަށް ތެދުވެވުނީމައި ހަދާނީ ކިހިނެއްތޯ؟
ޖަވާބު:. އާދެ! މިޙާލަތުގައި އިތުރަކަށް މެދު އައްތަޙިއްޔާތު ކިޔާކަށް ނުޖެހޭނެއެވެ. އޭގެ ބަދަލުގައި ހަތަރުވަނަ ރަކްޢަތް ކޮށްފައި ސަލާމް ދިނުމުގެ ކުރިން ކުށުސަޖިދަ ޖަހާނީއެވެ.
- ޑރ. މުޙައްމަދު އިޔާޟް ޢަބްދުއްލަޠީފް
