ކޮންމެ ކަމަކަށްވެސް ފުރަތަމަ ޚާއްޞަވެގެންވަނީ ނިޔަތެވެ. ވީމާ ތިމާ ކުރަން މިއުޅޭ ކަމަކާއިމެދު ފުންކޮށް ވިސްނާލަންވާނެއެވެ. އަދި އެކަމެއް އިޚްލާޞްތެރިކަމާއިއެކު ކުރަން ނިޔަތްގަނެ ޢަޒުމްކަނޑައަޅަންވާނެއެވެ.
ޤުރްއާން އުނގެނެން ނުވަތަ ކިޔަވަން ޤަޞްދުކުރާ މީހާ ފުރަތަމަ ކަމަކަށްވެސް ތިމާ ކުރަން މިފަށާ ކަންތައް ﷲ ތަޢާލާ ބައްލަވައިވޮޑިގެންވާކަން ހިތްމައްޗަށް ގެންނާށެވެ!
އެއިގެ އިތުރުން ތިމާވެސް ﷲ ތަޢާލާގެ މަތިން ހަނދުމަކުރާތީ މަލާއިކަތުންގެ ޙާޒިރުގައި ﷲ ތަޢާލާ ތިމާގެމަތިން ނަނދުމަފުޅު ކުރައްވަވާކަމަށް އުންމީދުކުރާށެވެ!
ހަމައެއާއިއެކު ކުރަންޖެހޭނެ ކަމެއް އެބައޮތެވެ! އެއީ ތިމާއަށް ކުރިމަތިވެފައިވާ ހުރިހާ ކަންބޮޑުވުންތަކެއް ދުރުގައި ބޭއްވުމެވެ. އެއީ މިވަޤުތުކޮޅަކީ ތިމާ، ތިމާގެ ވެރި ރައްބަށް ޚާއްޞަކުރާ ވަޤުތުކޮޅަކަށްވާތީއެވެ. އެގޮތަށް އެކަންތައް ކޮށްފިނަމަ ތިބާގެ ހުރި ކަންބޮޑުވުންތައް ﷲ ތަޢާލާ ފިލުއްވަވައި ދެއްވަވާނެތެވެ. އިން ޝާ ﷲ
--ޑރ. ޝިހާމްގެ ވާހަކަފުޅު އަޑުއައްސަވާލައްވަން:
