މަރުވެ ގޮސްފައިވާ މައިންބަފައިންގެ މައްޗަށް ދުޢާކުރަންވީ:
"ފާފަތައް ފުއްސަވައި ދެއްވެވުމަށާއި ރަޙްމަތް ލެއްވެވުމަށް އެދިއެވެ. އަދި ކައްވަޅު އަލިކޮށްދެއްވެވުމަށާއި (ކައްވަޅު) ތަނަވަސްކޮށްދެއްވެވުމަށެވެ. އެންމެހައި ޢަޛާބުތަކުން މިންޖުކޮށްދެއްވަވައި ސަލާމަތްކޮށްދެއްވެވުން އެދިއެވެ. އަދި ޤިޔާމަތްދުވަހު ﷲ ތަޢާލާގެ ރުހިވޮޑިގަތުން ލިބި ސުވަރުގެ ވައްދަވައިދެއްވެވުން" އެދޮގެންނެވެ.
ޤުރްއާނާއި ސުންނަތުގައި ބަޔާންވެގެންވާ ދުޢާތައްވެސް ކުރަމުން ގެންދާށެވެ. އަދި މިބަޔާންކުރި ކަންކަން މައިންބަފައިންނަށް ދެއްވެވުން އެދިގެން ދިވެހިބަހުން ދުޢާކުރިނަމަވެސް ޤަބޫލުފުޅުކުރައްވަވާނެއެވެ. އިން ޝާ ﷲ
ހަމައެފަދައިންނާއިމެދު ތިމާއަށް އިހްމާލުވެވިފައިވާ ކަންކަމަށް ތިމާގެ ފާފަތައް ފުއްސަވައިދެއްވެވުން އެދިގެންވެސް ދުޢާކުރަންވާނެއެވެ. ސަބަބަކީ ކިތަންމެ ރަނގަޅަށް ކަންކަން ކޮށްދޭން މަސައްކަތްކުރިނަމަވެސް އިހްމާލްވެވިފައިވާ ކަންތައްތަކެއްވެސް ހުންނާނެތީއެވެ. އަދި ގިނަ މީހުންނަށް އެމީހުންގެ މައިންބަަފއިންނަށް ޚިދުމަތްކުރުމުގައި ބޮޑެތި އިހްމާލްތައް ވެވޭތީއެވެ.
--އިސްލާމީ ތިލަފަތުގެ ދަރުސަކުން
