އެލުވެރިންނަށް ޙިއްޞާކޮށްލަންވީ އެމީހުންނަށް ހަނދުމަކޮށްލައި ދިނުމަށެވެ. ތިބާގެ ސަބަބުން މީހަކު ހެޔޮކަމެއްކުރަން ފަށައިފިނަމަ އެމީހާއަށް އެއްވެސް މިންވަރެއް އުނިނުކުރައްވަވައި އޭނާކުރާ ހެޔޮ ޢަމަލުން ތިބާއަށްވެސް ޘަވާބުދެއްވަވާނެތެވެ! އިން ޝާ ﷲ
ރަސޫލާ ﷺ ޙަދީޘް ކުރެއްވެވި: "މީހެއްގެ ފާފަތައް ކަނޑުގެ ފޮނުގަނޑާއި އެއްވަރަށްހުރިނަމަވެސް سبحان الله وبحمده (ސުބްޙާނަﷲ ވަބިޙަމްދިހީ) މިފަދައިން ދުވާލަކު ސަތޭކަ ފަހަރު ކިޔައިފި މީހެއްގެ ފާފަތައް ﷲ ފުއްސަވާދެއްވާނެއެވެ."
މިއީ ހެނދުނާއި ހަވީރު 100 ފަހަރު ކިޔުން ވާރިދުވެގެންވާ ޛިކުރުތަކުގެ ތެރޭގައިވެސް ހިމެނޭ ޛިކުރެކެވެ. ކިޔެވުމުން އެހައި ބޮޑު ނިޢްމަތެއް ލިބެން އޮތްއިރު،ޢާންމުކޮށް ކިޔާ މީހަކަށް 100 ފަހަރު ކިޔާލަން ހޭދަވާނީ އެންމެ 2 މިނިޓްއިރެވެ. އެވަރު ނުކުރެވޭނަމަ ތިމާ އަކީ ފާފަތައް ފުއްސަވައިދެއްވެވުމަށް އެދޭ އަޅަކުކަމުގައި ދަންނަވާނީވވެސް ކިހިނަކުންހެއްޔެވެ؟
އަޅުގަނޑުމެންނަކީ ހެނދުނާއި ހަވީރުގެ ޛިކުރުތައް ކިޔާ ބައަކަށްވަމާތޯއެވެ! އަދި ދަރިން އެކަމަށް އާދަކުރުވަމާތޯއެވެ!
- މަޢުލޫމާތު: ޑރ. މުޙައްމަދު އިޔާޟް ޢަބްދުއްލަޠީފް
