މީހަކަސް ކުރިމަތިވާނެ ނުބައި ނިމުމަކީ ނުވަތަ ނުބައި މަރަކީ ކޮބައިކަން އެނގޭ ހެއްޔެވެ؟ ނުބައިމަރަކީ އެއްވެސް ޙާލެއްގައި އެކްސިޑެންޓެއްގައި ނުވަތަ މީހަކު ދިން ހަމަލާއެއްގައި ހަށިގަނޑު ޗިސްޗިސްވުމެއް ނޫނެވެ. ކުނޑިކުނޑިވެ ބުރަބުރައިގެން ދިއުމެއްވެސް ނޫނެވެ.
ނުބައި މަރަކީ ﷲ ތަޢާލާ ހަނދުމަކުރުމުގެ ނަޞީބު ނުލިބޭ ޙާލުގައި މަރުވާންޖެހުމެވެ. އެއަށްވުރެ ނުބައިކަންބޮޑު މަރެއް ނުވެއެވެ.
މީސްތަކުންނޭވެ! މިބުނި ފަދަ ނުބައި މަރުން މީހުން މަރުވަނީ އެމީހަކު ދުނިޔޭގައި އުޅުނުއިރު ކުރި ފާފަތަކުގެ ސަބަބުން އެމީހަކަށް ﷲ ތަޢާލާ ކޯފާލެއްވެވުމުންނެވެ. ލަޢްނަތް ލެއްވެވުމުންނެވެ.
މީސްތަކުންނޭވެ! ތިބާހުރީ ފަރުޟު ނަމާދުތައްކޮށްގެންނެވެ. ޤުރްއާނުން މިންވަރެއް ކިޔަވައިގެންނެވެ. ޛިކުރުވެސްކޮށްގެންނެވެ. ފާފައަކަސް އަރައިނުގަނެ ތަޤްވާވެރިކަންމަތީގައެވެ. އެހެންކަމަށްވެއްޖެނަމަ ތިބާގެ ފުރާނަ އެދުވަހު ހިއްޕަވާނީ ހެޔޮލަފާ، ރަނގަޅު މަރަކުންނެވެ. އިން ޝާ ﷲ
ނުބައި މަރަކުންމަރުނުވެ ރަނގަޅު މަރަކުން މަރުވާން އެދޭމީހާ މިބަޔާންކުރި ފަދައިން ކޮންމެ ދުވަހަކުވެސް ޢަމަލުކުރަމުން ގެންދާށެވެ! އެއިރުން އެމީހަކަށް ﷲ ތަޢާލާގެ ރުހިވޮޑިގަތުން ދެދުނިޔޭގެ އުފާވެރިކަންވެސް ލިބިގެންދާނެއެވެ! އިން ޝާ ﷲ
- މުފްތީ މެންކުގެ ދަރުސަކުން
