އަޅުގަނޑު ދިރިއުޅެން މަސައްކަތްކުރަމެވެ. އެކަމަކު އަބަދުވެސް އުލެންޖެހެނީ ބޭނުންތައް ނުފުދިގެންނެވެ. ޙާލަތު ބަދަލުވުން އެދި ކުރެވިދާނެ ކަމެއް ބުނެދީބަލަ!
ތިރީގައި މިގެނެސްދެނީ ތިބާ ސަމާލުކަންދޭންވީ ކަންކަމެވެ. ޢަމަލުކުރަން މަސައްކަތްކުރާށެވެ! ތަފާތު ފެންނާނެއެވެ. އިން ޝާ ﷲ
ތަނަވަސްކަން ބޭނުން ނުވާނެ ހަމައެކަކުވެސް މަޑުން ނުހުންނާނެއެވެ. ތަނަވަސްކަން އިތުރުވާން ބޭނުން ނުވާނެ މީހަކުވެސް ނުހުންނާނެއެވެ. ވީމާ މިބަޔާންކުރަނީ ތަނަވަސްކަން އިތުރުވުމަށް އެދޭ މީހާ ކުރަން ޤުރްއާނުން ދަލީލުލިބޭ 8 ކަމެކެވެ.
1 ތިމާއަށް މިހާރުވެސް ދެއްވަވާ/ ދެއްވަވާފައިވާ ނިޢުމަތްތަކަށް ޝުކުރުވެރިވުން
2 ކޮންމެ ދުވަހަކުވެސް އިސްތިޣްފާރުކުރުމާ އިސްތިޣްފާރުކުރުން ގިނަކުރުން
3 ރިޒުޤް ތަނަވަސްކޮށްދެއްވެވުން އެދި ދުޢާކުރުން
4 ކިތަންމެ ކުޑަ މިންވަރަކުން ނަމަވެސް ޞަދަޤާތް ކުރުމާއި ޞަދަޤާތްކުރެވޭނެ އެއްޗެއް އަތުގައި ނެތްނަމަ މީހަކަށް ކަމެއްކޮށްދީގެން ނަމަވެސް އެހީތެރިވުން
5 ރޭއަޅުކަންކުރުން
6 ޙަރާމް ކަންތައްތަކަށް އަރައިނުގަނެހުރުން
7 ޙަލާލް ތަކެތި ކައިބޮއިހެދުން
8 ރަޙިމުގެ ގުޅުން ދެމެހެއްޓުން
ރިޒުޤް ދެއްވަވަނީ ﷲ ތަޢާލާއެވެ. މަދުން ދެއްވަވަނީވެސް އަދި ގިނަކުރައްވަވަނީވެސް ހަމަ ﷲ ތަޢާލާއެވެ. އަހުރެމެންނަށް އޮތީ ﷲ ތަޢާލާ އަންގަވާފައިވާ މަގުން ގަދައަޅައި މަސައްކަތްކުރުމެވެ.
- އިސްލާމީ ތިލަފަތުގެ ދަރުސަކުން
