މިއީ ކޮންމެވެސް ވަރަކަށް ކުރިމަތިވާ ކަމެކެވެ. ޢިޝާނަމާދަށްފަހު ފާޚާނާކުރަންޖެހުން ފަދަ ކަމެއް ޖެހިގެން ފަހު ސުންނަތުގެ 2 ރަކްޢަތް ނުކުރެވެނީސް އިމާމާމް މީހާ ތަރާވީޙް ނަމާދުކުރަން އެބަ ފަށައެވެ. އެހެންވެ އެޙާލަތުގައި ޢަމަލުކުރާނެ ގޮތަކާއިބެހޭގޮތުން ބައެއް ކިޔުންތެރިން ސުވާލުކުރައްވާތީ މިގެނެސްދެނީ ޢަމަލުކުރަން އޮތް ގޮތެވެ.
ޢިޝާ ނަމާދުގެ ފަހު ސުންނަތް ނުކޮށް ވެސް ތަރާވީޙް ނަމާދު ކުރެވިދާނެއެވެ. ނަމަވެސް ޢިޝާ ނަމާދުގެ ފަހު ސުންނަތަކީ ރަވާތިބު ސުންނަތުގެ ތެރޭގައި ހިމެނޭ 2 ރަކްޢަތް ކަމަށްވާތީ އެދެ ރަކްޢަތަށް ރައްކައުތެރިވާން ވާނެއެވެ. އެހެންކަމުން ތަރާވީޙް ނަމާދު ކުރަންފަށަންވާނީ ރަވާތިބް ސުންނަތުގެ 2 ރަކްޢަތް ކުރުމަށްފަހުގައެވެ.
- ޑރ. މުޙައްމަދު އިޔާޟް ޢަބްދުއްލަޠީފް
ޢިޝާ ނަމާދަށްފަހު އިމާމް މީހާ ތަރާވީޙް ނަމާދު ކުރަން ފަށާލެއް އަވަސްކަމުން ބައެއް ފަހަރު ރަވާތިބު ސުންނަތް ނުކުރެވި އެބަދެއެވެ. އަދި މީހަކަށް ފަހުން މިސްކިތަށް އެރިގެން ޢިޝާ ނަމާދު ނުނިމިގެންވެސް އެކަން އެބަދިމާވެއެވެ.
ޑރ. އިޔާޟް ވިދާޅުވީ އެ ޙާލަތުގައި ދެގޮތަކަށް އަމަލުކުރެވިދާނެކަމަށެވެ.
ފުރަތަމަގޮތަކީ ރަވާތިބް ސުންނަތް ކުރުމަށްފަހު އިމާމް މީހާ އާއި ބައިވެރިވުމެވެ. ދެވަނަ ގޮތަކީ އިމާމް މީހާ އާއިއެކު ތެދުވެ ފުރަތަމަ ކުރާ 2 ރަކްޢަތަކީ ރަވާތިބް ސުންނަތް ކަމުގައި ހެދުމެވެ. އިމާމް މީހާ އާއިއެކު ވިތުރި ކުރުމަށްފަހު ރަވާތިބް ސުންނަތް ނުކުރެވޭނެތީއެވެ.
