ނަމާދުގަ ﷲ ތަޢާލާގެ ޙަޟްރަތަށް އެންމެ ބޮޑަށް ކުއްތަންވެވެނީ ކޮންވަޤުތަކު؟
އެހީއެއް :
ނަމާދުގަ ﷲ ތަޢާލާގެ ޙަޟްރަތަށް އެންމެ ބޮޑަށް ކުއްތަންވެވޭނީ ސަޖިދައިގައެވެ. ވީމާ އެންމެ ފުރިހަމަ ގޮތުގައި ސަޖިދަކުރަން މަސައްކަތްކުރަންވާނެއެވެ. 7 ގުނަވަން ޖައްސަންވާނެއެވެ. މަޑުމައިތިރިކަން އިތުރުކުރަންވާނެއެވެ. އެކަނިހުރެ ނަމާދުކުރާނަމަ އިތުރު ވަޤުތުކޮޅެއްވެސް ހޭދަކޮށްލާށެވެ. އެންމެ ބޮޑަށް ސަމާލުކަންޑޭންޖެހޭނެ އެއްކަމަކީ ސަޖިދައިގައި ކިޔާ ޛިކުރުގެ މާނަ ހިތަށް ގެނައުމާއި އެހެން ކަންކަމަށް ނުވިސްނުމެވެ.
ކޮންމެ ދުވަހަކުވެސް އިނާމު ލިބިލައްވާނީ ސުވާލު ޝާއިޢުކުރާތާ 24 ގަޑިއިރުގެ ތެރޭގައި ޖަވާބު ދެއްވާ 1 ކިޔުންތެރިއަކަށެވެ. ސުވާލަށް ޖަވާބުދެއްވާ ކިޔުންތެރިންގެ ތެރެއިން އިނާމުލިބުމަށް ހޮވޭ ކިޔުންތެރިއަކަށް ފޭސްބުކް މެސެންޖަރުން މެސެޖެއް ލިބިލައްވާނެއެވެ. މެސެޖް ލިބިލެއްވުމުން 7788020 އަށް ގުޅާލަދެއްވާށެވެ. ނޫނީ 7788020 އަށް ވަޓްސްއަޕުން މެސެޖެއް ކޮށްލަދެއްވާށެވެ.
