ޢާއިޝަތު ރަފާޙް ޢަލީ
ﷲ ސުބުޙާނަހޫ ވަތަޢާލާގެ ޙަޟުރަތުން ބޮޑެތި އަދި ކުދިކުދި އަޖުރުތައް ލިބޭ ޢަމަލުތައް، އެއްވެސް މީހަކަށް ނޭނގި ސިއްރުކޮށްގެން ކުރުމުގެ މުހިންމުކަން ތިބާގެ ހިތަށް ގެނެސްލެވޭނެތޯއެވެ؟ މިފަދަ ހެޔޮކަންކަން އެއްވެސް އިންސާނަކަށް އެނގުމަށް ބޭނުން ނުވާނަމަ، އެންމެ ހެޔޮވެގެންވަނީ ކޮންކަމެއްތޯއެވެ؟ އެއްވެސް މީހަކަށް އެކަން އެނގުމުގެ އެއްވެސް ބޭނުމެއް ނެތެވެ.
ތިބާ ކުރާ ހެޔޮކަންތަކުގެ ވާހަކަ އެހެން މީހުންނާ ހިއްސާ ނުކުރާށެވެ. ޚާއްޞަކޮށް، އެކަން ހާމަކުރުމުން އެންމެ ގިނަގުނަ ހެޔޮކަންކަން ލިބޭނެކަމަށް ބޮޑަށް ބެލެވޭ ވަރުގެ ސަބަބެއް ނެތްނަމައެވެ. އެންމެ ރަނގަޅު ގޮތަކީ، ތިބާ އާއި ﷲ ސުބުޙާނަހޫ ވަތަޢާލާ އާ ދެމެދުގައި އެކަން ސިއްރުކޮށް ބޭއްވުމެވެ. އެއީ، އަޅުގަނޑުމެންގެ ޢަމަލުތަކަށް ދެއްކުންތެރިކަން ވަނުމުގެ ބިރު އޮންނާތީއެވެ. ތިބާ ކިތަންމެ ހެޔޮ އަދި ތަޤުވާވެރި މީހެއް ކަމުގައި ވިޔަސް، މި ނުރައްކާ ތިބާއާ ހަމައަށް ވެސް އަތުވެދާނެއެވެ. މީސްތަކުން ތިބާއަށް އަބަދުވެސް ތައުރީފުކޮށް، ސަނާ ކިޔާނެއެވެ. އަދި އެއްވެސް މީހަކު ތިބާއަށް ތައުރީފު ނުކޮށްފިނަމަ، ތިބާ ހިތްހަމަނުޖެހިދާނެއެވެ.
ﷲ ސުބުޙާނަހޫ ވަތަޢާލާއާއި އެކަލާނގެ ރަސޫލާ ޞައްލަﷲ ޢަލައިހިވަސައްލަމަ އަށްޓަކައި އަޅުގަނޑަށް ހިޖުރަ ކުރެވިދާނެތޯއެވެ؟ މިޒަމާނުގައި، އިސްލާމީ ޙިޖުރައިގެ ފަހު ދުވަސްވަރުގައި ހިޖުރަ ކުރި މީހުން ފަދަ މީހުން މިހާރަކު ނޫޅެއެވެ. އަޅުގަނޑަށް މަދީނާއަށް ވެސް ދެވިދާނެއެވެ. ނަމަވެސް މި ޙަދީޘް ބަޔާންކުރައްވަނީ އެބައިމީހުންގެ ހުރިހާ އެއްޗެއް ދޫކޮށްފައި، އެއްވެސް އެއްޗެއް ނެތި މަދީނާއަށް ދިޔަ ހިޖުރައިގެ މުހިންމުކަމެވެ. އެހެންކަމުން، މިޒަމާނުގައި އަޅުގަނޑުމެން ހިޖުރަ ކުރާނީ ކިހިނެއްތޯއެވެ؟ އަޅުގަނޑަކަށް މިހާރުގެ ދިރިއުޅުން ދޫކޮށްފައެއް ނުދެވޭނެއެވެ. ޖިސްމާނީ ގޮތުން އެކަން ނުކުރެވޭނެ އެތައް ސަބަބުތަކެއް ވެއެވެ. ޙަޤީޤަތުގައި ވެސް އެފަދަ ހިޖުރައެއް ތިބާއަކަށް ނުކުރެވޭނެއެވެ. އެހެންކަމުން، އަޅުގަނޑަށް މި ޙަދީޘްއަށް ޢަމަލު ކުރެވޭނެތޯއެވެ؟ މިޒަމާނުގެ ހިޖުރައަކީ ކޮބައިތޯއެވެ؟ މިދުވަސްވަރު ގިނަ ބަޔަކު މި ބަސް ބޭނުންކުރެއެވެ. ހިޖުރައެއް ވޭތޯއެވެ؟ ހިޖުރަކުރުމުގެ ޢަމަލެއް ވޭތޯއެވެ؟ ޖަވާބަކީ، އާއެކެވެ، ވެއެވެ.
އެއީ ފާފަތައް ދޫކޮށްލުމުންނެވެ. ފާފަތަކުން ދުރުވެ، ހެޔޮގޮތަށް ކުރިއަށް ދިއުމުންނެވެ. ޖިސްމާނީ ގޮތުން ތިބާ ކޮންމެ ތަނަކަށް ނުދާނެއެވެ. ނަމަވެސް ޢަމަލީ ގޮތުން، ﷲ ސުބުޙާނަހޫ ވަތަޢާލާއަށް ނުކިޔަމަންތެރިވުމުން އެކަލާނގެއަށް ކިޔަމަންތެރިވުމަށް ތިބާ ދަތުރުކުރާނެއެވެ. ތިބާ ކުރާ ކޮންމެ ޢަމަލެއްގައިވެސް އެއީ ހިޖުރައެކެވެ. ނުވަތަ، ތިބާ މިބަސް ބޭނުންކުރަން ބޭނުންނަމަ، ހިޖުރަކުރުމެވެ. މިސާލަކަށް، ތިބާގެ މުޅި ޢުމުރުގައިވެސް ތިބާ ކުރަމުން އައީ ﷲ ސުބުޙާނަހޫ ވަތަޢާލާއަށް ރުހުން ނުލިބޭ ބާވަތުގެ ވަޒީފާއެއް ނުވަތަ ޢަމަލެއް ކަމަށް ބަލަމާތޯއެވެ. އެއަށްފަހު، ތިބާ ދަސްކޮށް، ބަދަލުވާން ވަރަށް ބޭނުންވިއެވެ. އެކަން ފަސޭހައެއް ނުވިއެވެ. ނަމަވެސް ﷲ ސުބުޙާނަހޫ ވަތަޢާލާ އެކަން ފަސޭހަކޮށްދެއްވިއެވެ. އެއީ ވަރަށް ބޮޑު މަސައްކަތެއް ކަމުގައި ވިޔަސް، ތިބާ އެކަން ކުރިއެވެ. އެއީ ﷲ ސުބުޙާނަހޫ ވަތަޢާލާގެ ޙައްޤުގައި ކުރި ހިޖުރައެކެވެ.
