ގިނަ ބައެއްގެ ވިސްނުމުގަ ހުންނަނީ ކަމެއް ދިމާވުމުން ޑޮކްޓަރަށް ދިއުމުން އެކަމެއް ޙައްލުވާނެ ކަމަށެވެ. ނަމަވެސް އެއީ އެންމެ ރަނގަޅު ވިސްނުމެއް ނޫނެވެ. ބޭހުން ޝިފާލިބޭނީވެސް ﷲ ތައާލާ އިރާދަކުރެއްވެވުމުންނެވެ. ވީމާ އަހުރެމެން އަބަދުވެސް ތިބެންވީ ދުޢާކުރުންމަތީގައެވެ.
ގިނަ މީހުންނަށް ދުޢާކުރަން ފެށެނީ ބަލިވުމުންނެވެ. ލޯއަނދިރިވާން ފެށުމުންނެވެ. ކަންފަތް ބީރުވާން ފެށުމުންނެވެ. ނަމަވެސް އަހުރެން ބުނާނީ ދުޅަހެޔޮ ޞިއްޙަތެއްގައި ހުރެވޭކަމުގައިވީނަމަވެސް މިފަދައިން ދުޢާކުރަމުން ގެންދާށެވެ! ﷲ ތަޢާލާ ދެއްވަވާ ކޮންމެ ނިޢުމަތެއްވެސް ތިމާއާއިއެކު ލެހެއްޓެވުން އެދިގެން ދުޢާކުރަންވާނެއެވެ.
*اللَّهُمَّ عَافِنِي فِي بَدَنِي اللَّهُمَّ عَافِنِي فِي سَمْعِي اللَّهُمَّ عَافِنِي فِي بَصَرِي
لاَ إِلَهَ إِلاَّ أَنْتَ*
މިއަޅާގެ ހަށިގަނޑަށް ސަލާމަތް ޞިއްޙަތެއް ދެއްވަވައިފާނދޭވެ!
މިއަޅާގެ ކަންފަތަށް (އަޑުއިވުމަށް) ސަލާމަތް ޞިއްޙަތެއް ދެއްވަވައިފާނދޭވެ!
މިއަޅާގެ ދެލޮލަށް (ފެނުމަށް) ސަލާމަތް ޞިއްޙަތެއް ދެއްވަވައިފާނދޭވެ!
އިނބަ ﷲ ފިޔަވައި ޙައްޤުވެގެން އަޅުކަން ވެވޭ އިލާހަކު ނުވެއެވެ.
(އަބޫދާވޫދު: 5071)
- އިސްލާމީ ތިލަފަތުގެ ދަރުސަކުން
