މާލެ އަތޮޅުގައި ތަރައްޤީކޮށްފައި އޮންނަ، ޕެރެޑައިސް އައިލެންޑް ރިސޯޓުގެ މޫދުގައި ފަތުރުވެރިއަކު މަރުވެފައި އޮއްވާ ފެނިއްޖެއެވެ.
ފުލުހުންގެ މީޑިއާ އޮފިޝަލު ވިދާޅުވި ގޮތުގައި، މަރުވެފައި އޮއްވާ ފެނިފައިވަނީ އެރިސޯޓަށް އައިސް އުޅުނު، ޗެކް ރިޕަބްލިކް ގެ ރައްޔިތެކެވެ.
އޭނާ މަރުވި ކަމުގެ ރިޕޯޓު ފުލުހުންނަށް ލިބިފައިވަނީ މިއަދު މެންދުރުފަހު 15:15 ހާއިރު ކަމަށާއި އެމީހާގެ ހަށިގަނޑު މިހާރު ވަނީ މާލެ ގެނެސް އޭޑީކޭ ހޮސްޕިޓަލުގައި ކަމަށް ވެސް މައުލޫމާތު ލިބެއެވެ.
