"އިންސާނުންނަށް އެންމެ ފައިދާހުރި ގޮތް މޮޅަށް ދެނެވޮޑިގެންވަނީ އެބައިމީހުން ހެއްދެވި ފަރާތެވެ. އެފަރާތުން ވަނީ ކުޅަދާނަކަން ހުރެއްޖެނަމަ އަވަހަށް ކައިވެނިކުރަން ބާރު އަޅުއްވަވައިފައެވެ. އަދި ކުޅަދާނަކަން ނެތް ނަމަ ރޯދަ ހިފުމަށް އަނގަވައިފައެވެ. މިއަށްވުރެ މޮޅު، ފައިދާހުރި ގޮތެއް ނެތެވެ."
މިއީ ޑރ. މުޙައްމަދު އިޔާޟް ޢަބްދުއްލަޠީފް ކުރައްވާފައިވާ ޓްވީޓެކެވެ.
ޑރ. އިޔާޟްގެ ބަސްފުޅުން އެނގިގެންދަނީ ކައިވެނި ކުރުމުގެ ކުޅަދާނަކަން ލިބިގެންވާނަމަ ލޯބީގެ ގޮތުން ގުޅިގެން ކައިވެނި ނުކޮށް އުޅުމަކީ އިސްލާމް ދިނުގައި އޮތް ގޮތް ނޫން ކަމާއި ކުޅަދާނަކަން ލިބިގެންވާނަމަ އޮތީ އަވަހަށް ކައިވެނި ކުރުން ކަމެވެ. އަދި ކައިވެންޏަކަށް ބޭނުންވާ މީހާއަށް ކައިވެނި ކުރެވެން ނެތްނަމަ ފާހިޝް އަމަލުތަކުން ދުރުވުމަށްޓަކައި އޮތީ ރޯދަހިފުން ކަމެވެ.
