އިސްލާމް ދީނާއި ފުށޫއަރާ ފަދަ ބަހެއް ނުވަތަ ކަމެއް މީހަކު ނުވަތަ ބައަކު ކުރާނަމަ އެކަމަށް އިންކާރުކޮށް ޙައްޤު ގޮތް ބަޔާންކޮށް ދިނުމަކީ ޢިލްމްވެރިން ކުރަންޖެހޭ ކަމަކަށްވާއިރު އެކަން ކުރެއްވުމުން "ކަލޭމެން ބޭނުން އެއްޗެއް ކަލޭ މެން ބުނާށޭ އަހަރެމެން ބޭނުން އެއްޗެއް އަހަރެމެން ބުނާނަމޭ ނުބުނެވޭނެ" ކަމަށް ޑރ. މުޙައްމަދު އިޔާޟް ޢަބްދުއްލަޠީފް ވިދާޅުވެއްޖެއެވެ.
މިކަމުގައި ޑރ. ޢަލީ ޒާހިރު ބިން ސަޢީދު ޤާސިމް ވިދާޅުވެފައިވަނީ ދެން އިތުރަށް ނަބީބޭކަލުންނާއި ރަސޫލް ބޭކަލުން ﷲ ތަޢަލާ ނުފޮނުއްވަވާނެ ކަމަށާއި ނަބީ ބޭކަލުންގެ ފަރާތްޕުޅުން ދީނުގެ ރިސާލަތު ފެތުރުއްވެވުމަކީ ދީނީ ޢިލްމުވެރިންގެ ކިބައި އޮތް އެންމެ މުހިންމު މަސްއޫލިއްޔަތު ކަމަށެވެ.
މީގެ އިތުރުން ދީނީ ޢިލްމުވެރިންނަކީ ނަބީބޭކަލުންނާއި ރަސޫލް ބޭކަލުންގެ ކިބައިން ތިއްބެވި "ވާރުތަވެރިން" ކަމަށްވެސް ޝައިޚް ޢަލީ ޒައިދު ވަނީ ވިދާޅުވެފައެވެ.
