ކައިވެންޏާއި ގުޅޭ މުހިންމު ބައެއް ސުވާލުތަކަށް ޑރ. އިޔާޟް ޢަބްދުއްލަޠީފް ދެއްވާފައިވާ ޖަވާބު:
1 މީހަކާ އިނދެގެން ހުރެ ހިލޭ އަންހެނުންނާއި ގުޅައި، މާފޮޅުވައި، އެމީހުންގެ ރީތިކަމަށް ތަޢްރީފްކޮށް ހެދުމަކީ ކޮންކަހަލަ ކަމެއްތޯ؟
ޑރ. އިޔާޟްގެ ޖަވާބު:
ޙަރާމް ކަމެއް.!
2 އިނދެގެން އުޅޭ ދެ މީހުންގެ މިޒާޖު ތަފާތުވެގެން އަބަދު މައްސަލަ ޖެހޭނަމަ، ދުރުވުން އެއީ އެންމެ ރަނގަޅުކަމެއްތަ؟ އަދި ދަރިއަކުވެސް ނެތެވެ.
ޑރ. އިޔާޟްގެ ޖަވާބު:
އިސްތިޚާރާ ނަމާދު ކޮށްފަ ގޮތެއް ނިންމުން ރަނގަޅު
3 ފިރިމީހާ ރުޅި އައިސްގެން އަނބިމީހާ ޢާއި ދިމާއަށް ބުނީ ތިހިރީ ވަރިކޮށްފައޭ! ދެން ރުޅިމަޑުވެގެން މާފަށް އެދިފަ ކައިވެނި ރުޖޫޢަ ކުރީ. މިޙާލަތުގަ ކައިވެނި ޞައްޙަވާނެތޯ؟
ޑރ. އިޔާޟްގެ ޖަބާބު:
ވަރިވާނީ ވަރިއަށް. ރަޖްޢީ (ރުޖޫޢަ ކުރެވޭ) ވަރިއެއް ނަމަ ރުޖޫޢަ ވާނެއެވެ. ނަމަވެސް ކޯޓުގައި ރަޖިސްޓްރީކުރަންވާނެއެވެ.
(ކޯޓުގައި ރަޖިސްޓްރީ ކުރަން ޖެހެނީ ވަރިކުރި އަދަދު ބެލެހެއްޓުމަށެވެ. 3 ފަށްވާ ޙާލަތުގައި ޢަދަދާއިމެދު ޚިލާފް އުފެދިދާނެ ކަމުގެ ބިރު އޮތުމުންނެވެ. އަދި ރާއްޖޭގެ ޤާނޫނުގައިވެސް ކައިވެންޏާއި ވަރި ރަޖިސްޓްރީކުރަން ޖެހޭ ގޮތަށް އޮތުމުންނެވެ. )
4 މީހަކާ އިނުމަށްފަހު ފިރިމީހާ އަނބިމީހާ ގާތު ނުބުނެ ހިލޭ އަންހެނަކާއި ގުޅައި، އެކުގައި ތަންތަނަށް ދިއުމަކީ ކޮންކަހަލަ ކަމެއް؟
ޑރ. އިޔާޟްގެ ޖަވާބު:
އަނބިމީހާ ގާތު ބުނެފައިވެސް އެފަދަ ކަމެއް ކޮށްގެން ނުވާނެއެވެ!
5 ކައިވެނީގެ ރަން ކައިވެނީގެ ވަލީމާގައި އެންމެންނަށް ފެންނާނެހެން ޢާންމުކޮށް ދައްކާފައި ބެހެއްޓުމަކީ ކޮންކަހލަ ކަމެއްތޯ؟
ޑރ. އިޔާޟްގެ ޖަވާބު:
މަނާކަމެއް ނޫން!
