ޏ. ފުވައްމުލައް ސިޓީގެ މާދަނޑު ގެސްޓްހައުސް ކުރިމަތިން، އުމުރުން 17 އަހަރުގެ ކުއްޖަކަށް ތޫނު އެއްޗަކުން ހަމަލާދީ ޒަޚަމް ކޮށްލައިފިއެވެ.
ފުލުހުންގެ މީޑިއާ އޮފިޝަލު ވިދާޅުވީ މިހާދިސާ ހިނގާފައިވަނީ މިއަދު ފަތިހު 5:50 ހާއިރު ކަމަށެވެ.
މިހާދިސާގައި ޒަޚަމްވި ކުއްޖާއަށް އެރަށު ހޮސްޕިޓަލުގައި ފަރުވާ ދެމުންދާއިރު، އޭނާގެ އަތަށާއި ބޮލަށް ހަމަލާ ދީފައިވާ ކަމަށް މައުލޫމާތު ލިބެއެވެ.
އެކުއްޖާގެ ހާލު ސީރިއަސް ނޫން ކަމަށް ފުލުހުން ބުނެފައިވެއެވެ.
މިމައްސަލައިގައި އަދި އެއްވެސް މީހަކު ހައްޔަރެއް ނުކުރެއެވެ.
