އަންނަމަހު ބާއްވާ ރައްޔިތުންގެ މަޖިލީހުގެ އިންތިހާބުގެ ވޯޓުލާ މީހުންގެ ލިސްޓުގައި ސޮއިކުރީ 386 ކެންޑިޑޭޓުންގެ ތެރެއިން 120 ކެންޑިޑޭޓުން ކަމަށް އިލެކްޝަންސް ކޮމިޝަން (އީސީ) އިން ބުނެފިއެވެ.
އީސީގެ ރައީސް އަހުމަދު ޝަރީފް މިއަދު ކުރެއްވި ޓްވީޓެއްގައި ބުނެފައި ވަނީ ''މިއަދުގެ ނިޔަލަށް 386 ކެންޑިޑޭޓުންގެ ތެރެއިން އެންމެ 120 ކެންޑިޑޭޓުން ވޯޓް ލިސްޓުގައި ސޮއިކުރީ އަދިވެސް މާދަމާގެ 14:30 ގެ ނިޔަލަށް ފުރުސަތު އެބައޮތް. ސަމަަލުވެލައްވާ'' ކަމަށެވެ.
ކެންޑިޑޭޓުން، ވޯޓާސް ލިސްޓުގައި ސޮއިކުރުމުގެ ފުރުސަތު ހުޅުވާލީ އިއްޔެއެވެ.
މަޖިލީހުގެ އިންތިޚާބުގައި ވޯޓުލުމުގެ ހައްގު 264،589 މީހުންނަށް ލިބިފައިވެއެވެ.
Miyadhuge niyalah 386 candidates ge therein emme 120 candidate votes list ga soe kuree, adhives maadhamaa 1430 hrs ge niyalah furusathu ebaoi, samaalu ve lahvaa pic.twitter.com/Ej8gkRli1w
— Ahmed Shareef (@ShareefRangondi) March 25, 2019
