މިއަދު ހެނދުނުން ފެށިގެން ކުރިއަށްދާ ރައްޔިތުންގެ މަޖިލިސް އިންތިހާބާއި ގުޅިގެން ދެ މައްސަލައެއް މިހާތަނަށް ފުލުހުންނަށް ހުށަހަޅާފައިވާ ކަމަށް އެމުއައްސަސާއިން ބުނެފިއެވެ.
ފުލުހުންގެ މީޑިއާ އޮފިޝަލު ވިދާޅުވީ، އިންތިޙާބާއި ގުޅިގެން ފުލުހުންނަށް މިހާތަނަށް ދެ މައްސަލައެއް ހުށަހަޅާފައިވާ ކަމަށާއި ނަމަވެސް އެމައްސަލަތަކުގެ ތަފްސީލު ފަހުން ހާމަ ކުރާނެ ކަމަށެވެ.
ރައްޔިތުންގެ މަޖިލިސް 2019 އިންތިހާބު މިއަދު ހެނދުނު 8:00 އިން ހަވީރު 16:00 އަށް ކުރިއަށްދާއިރު، މިއިންތިހާބުގެ ސެކިއުރިޓީ ހުރިހާކަމެއް އިލެކްޝަންސް ކޮމިޝަނާއި ގުޅިގެން ބަލަހައްޓަމުން ގެންދަނީ ފުލުހުންނެވެ.
