އަހަރެމެންގެ ތެރެއިން ވަރަށް ގިނަ ބައަކީ އެއް މިނެއްގައި އީމާންކަން ހިފެހެއްޓޭ ބައެއް ނޫނެވެ. ބައެއް ދުވަސްވަރު ގިނައިން އަޅުކަން ކުރެއެވެ. ދާދި އަވަހަށް ފަރުވާ ކުޑަކުރެވެން ފަށައެވެ. އިސާހިތަކު ކުރެވޭ އަޅުކަން ވަރަށް ބޮޑުތަނުން މަދުވެގެންދެއެވެ.
ހަމައެފަދއިން ބައެއް ދުވަސްވަރު ފާފަތަކަށް އަރައިގަންނަން ގަންނަ ބިރު ބޮޑުވެއެވެ. އަނެއްބައި ދުވަސްވަރު އެއީ މާބޮޑު ކަމެއް ކަމުގައެއް ނުދެކެވެ. ފާފަކުރަން ބިރެއް ނުގަނެއެވެ.
ކަންކަން މިހެން މިވަނީ އީމާންކަން ކުޑަވާތީއެވެ. އެއްމިނެއްގައި އީމާންކަން ނުހިފެހެއްޓޭތީއެވެ. ވީމާ ކޮންމެ މީހަކުވެސް ޙައްޤުގެ މަގުން އެއްކިބާ ނުކުރެއްވެވުން އެދި ގިނަގިނައިން ދުޢާކުރަންވާނެއެވެ! ވީމާ ރަމަޟާން މަހު ވެސް މި ދުޢާކުރުން ގިނަކުރާށެވެ!
(ޢާލްޢިމްރާން ސޫރަތުގެ 8 ވަނަ އާޔަތް)
