ހިތް އުފަލުން ފުރައިގެން ހުންނަން ބޭނުން މީހާ ބަންގީގެ ކުރިން މިސްކިތަށް އަރަންވާނެ!: މުފްތީ މެންކް

އަބްދުއްލަތީފް
ކިޔުމަށް ހޭދަވާނީ 1މ 16ސ
ހިތް އުފަލުން ފުރައިގެން ހުންނަން ބޭނުން މީހާ ބަންގީގެ ކުރިން މިސްކިތަށް އަރަންވާނެ!: މުފްތީ މެންކް

އިންސާނާއަށް އެންމެ ބޮޑު ހިތްހަމަޖެހުމެއް ލިބޭނީ ނަމާދުކުރުމުން ހިތްޖެހުން ލިބެން ފެށުމުންނެވެ. ނަމާދުކުރަން ޝައުޤްވެރިވެވުމުންނެވެ. އަހަރެން ނަމާދުކުރާ ހިތް ވަރަށް ވެއެވެ ބުނުމަކުން ނުފުދޭނެއެވެ. އެއީ އަމަލުން ދައްކަން ޖެހޭ ކަމެކެވެ. 

ނަމާދަށް ޝައުޤްވެރިވެއްޖެ މީހާ ބަންގި ގޮވުމުގެ ކުރިން މިސްކިތަށް އަރާނެއެވެ. އެހެނީ އެމީހަކު އެންމެ ބޮޑަށް ބޭނުންވާނީ އެމީހާ ކުރާ ނަމާދު ވީހައި ފުރިހަމަކުރުމަށެވެ. ނަމާދު ފުރިހަމަކުރަން ކިތަންމެ ވަރަކަށް މަސައްކަތް ކުރިނަމަވެސް އެންމެ ފުރިހަމަ ކުރުމަކީ ކުރަން ވަރަށް އުނދަގޫ ކަމެކެވެ. އެހެންކަމުން ކުރާ ނަމާދުގައި އުނިކަންތައްތަކެއް ހުންނާނެއެވެ. 

އެކަންތައްތައް ފޫބެދިގެންދަނީ ކުރާ ސުންނަތް ނަމާދުތަކުންނެވެ. ވީމާ ރަވާތިބު ސުންނަތްތައް ކުރަން ވަރަށް ބޮޑު ސަމާލުކަމެއް ދޭންޖެހޭނެއެވެ. ރަވާތިބު ސުންނަތްތައް ފުރިހަމައަށް ކުރެވޭނީ ބަނގި ގޮވުމުގެ ކުރިން މިސްކިތުގައި ހުރެގެންނެވެ. ނޫންނަމަ ޖެހޭނީ ތެޅިފޮޅި އަވަސް އަރުވާލައިގެން ކުރާށެވެ! އެގޮތަށް ކުރާއިރު ނަމާދު ފުރިހަމައަކަށް ނުކުރެވޭނެއެވެ. 

ރަވާތިބު ސުންނަތްތައް ފުރިހަމައަށް ކުރަމުން ފަރުޟު ނަމާދުތައް ކުރާ މީހާއަށް ލިބޭ ހިތްހަމަޖެހުން އިޙްޞާޞް ކުރެވޭނީ ހަމައެކަން ތަޖުރިބާ ކުރުމުންނެވެ. ތިމާއަށް މިހުރެވެނީ ﷲ ތައާލާ އާއި އެންމެ ގާތުގައިކަން އެމީހަކަށް އިޙްޞާޞް ކުރެވޭނެއެވެ. އެހިސާބުން އެމީހާގެ ހިތް އޮންނާނީ ފުރިފައެވެ. އެއްވެސް ކަމަކާއި ކަންބޮޑުވެގެން އުޅޭކަށް ނުޖެހޭނެއެވެ. އަދި ކީއްހެއްޔެވެ؟ އެމީހާގެ ހަޔާތަށް ހެޔޮ ބަދަލުތައް އަންނަމުންދާތަންވެސް އެމީހަކަށް ފެންނަން ފަށާނެއެވެ. 

- މުފްތީ މެންކުގެ ދަރުސަކުން

މިއަދު އޮންލައިން