ރާއްޖޭގައި ހިންގާ ޖަމިއްޔާ ޖަމާއަތްތަކުގެ ޤާނޫނާއި ޚިލާފްވުމުން ވެސް ރާއްޖެއިން އިސްލާމް ދީން ފުހެލަން މަސައްކަތްކުރަމުން ގެންދާ އެމްޑީއެން އާއިމެދު ފިޔަވަޅު ނުއެޅިގެން މިއުޅެނީ އެ ޖަމިއްޔާ، ދިވެހިޖުމްހޫރިއްޔާގެ ޤާނޫނު އަސާސީއަށްވުރެ މަތީގައި އޮތުމުންތޯ ޑރ. މުޙައްމަދު އިޔާޟް ޢަބްދުއްލަޠީފް ޔޫތް މިނިސްޓަރ އަހްމަދު މަޚްލޫފް އާއި ސުވާލުކުރައްވައިފިއެވެ.
"އެމްޑީއެން ވަނީ ޖަމިއްޔާ ޖަމާއަތްތަކުގެ ޤާނޫނާއި ޤަވާއިދާއި ޚިލާފްވެފައި. މި ލާދީނީ ޓެރަރިސްޓް ޖަމާޢަތާއިމެދު ފިޔަވަޅު ނޭޅެން ޖެހޭ ސަބަބެއް ނުވިސްނޭ. ޤާނޫނަށްވުރެ މިބައި މީހުން ތިބީ މަތީގައިތޯ؟"-
ޑރ. އިޔާޟް ވަނީ އެމްޑީއެން އުވާލަން ޖެހޭކަމަށް ޤާނޫނުގައި ބަޔާންކުރާ މާއްދާތައްވެސް ޓްވީތްގައި ހިމަނުއްވައިފައެވެ.
އެމްޑީއެންގެ ރިޕޯޓް ފުރިހަމަކޮށްފައިވަނީ މިސަރުކާރުގެ ވެރިކަމުގައި އެ ޖަމިއްޔާއަށް ހުރިހާ ބާރުތަކެއް ލިބިފައިވާކަމަށް ޤަބޫލުކޮށްގެންކަން މިހާރު ވަނީ ހާމަވެފައެވެ.
ޝައިޚް ޢަލީ ޒައިދު ވިދާޅުވީ 2016 ވަނަ އަހަރު ނެރެފައިވަނީ 30 ވަރަކަށް ޞަފްޙާގެ ކުރުކުރު ރިޕޯޓެއް ކަމަށެވެ. 125 ޞަފްހާގެ ފުރިހަމަ ރިޕޯޓް ނެރުނީ ނުވަތަ 125 ޞަފްޙާއަށް ރިޕޯޓް ބޮޑުކޮށް ފުރިހަމަކުރީ މިއަހަރު ކަމަށެވެ. "މިމީހުން ހީކުރީ ޓެރަރިޒަމްގެ ޤާނޫނު އައީމަ ދުނިޔެ ރަންވީއޭ. އެއިރުން އެންމެން (ހުރިހާ ޢިލްމުވެރިން) ބިރުން ފިލާނޭ. ބޭނުން އެއްޗެއް ހެދޭނޭ."
@AhmedMahloof !!!
— Dr Mohamed Iyaz (@dr_iyaz) October 6, 2019
MDN vanee jamiyyaa jamaaiy thakuge qaanoonaai qavaidhah khilaafuvefai. Mi Laadheenee Terrorist jama'ath aai medhu fiyavalhu neylhen jehey sababeh nuvisney. Qaanoonah vure mi bai meehun thibenee matheegai tho? #BanMDN pic.twitter.com/vXT31NAgs8
