ޤާނޫނުގަ މިކަން މިހެން އޮތުމާއިއެކު ރަސޫލް (ޞޢވ) އަށް ފުރައްސާރަކުރި މީހުން ހައްޔަރުކޮށް އެބައި މީހުންގެ މައްޗަށް ޝަރީޢަތް ހިންގަން ޖެހެއެވެ.
ދީނީ އެއްބައިވަންތަކަމުގެ ޤާނޫނުގައި މިހެން މިކަން އޮންނައިރު ދީނަށް ފުރައްސާރަކުރި މީހުންނާއިމެދު ފިޔަވަޅު އެޅުން ލަސްވެގެން ނުވާނެ އެވެ.
- ޑރ. މުޙައްމަދު އިޔާޟް ޢަބްދުއްލަޠީފް
އިސްލާމް ދީނަށާއި ރަސޫލް (ޞޢވ) އަށް ފައުޅުގައި ފުރައްސާރަކޮށް ބަދުބަސް ބުނުމުގެ އިތުރުން ކީރިތި ޤުރްއާނުގެ އާޔަތްތަކަށް އިންކާރުކޮށް ރާއްޖެއިން އިސްލާމް ދީން ފުހެލަން މަސައްކަތްކުރަމުން ގެންދާ އެމްޑީއެން އާއި މެދު ފިޔަވަޅު އެޅުން ލަސްވާތީ ގިނަ ބައަކު ދަނީ ކަންބޮޑުވުން ފައުޅުކުރަމުންނެވެ.
އެކަމާއި ގުޅިގެން ޑރ. އިޔާޟް މިމޭރުމުން ވިދާޅުވެފައިވާއިރު މި ސަރުކާރު ވެރިކަމަށް އައުމަށް ކެންޕޭނުކުރިއިރު އެންމެ ގިނައިން ދެއްކި އެއް ވާހަކައަކީ އިންޞާފު ލިބުން ލަސްވުމަކީ އިންބާފު ނުލިބުންކަން ވެސް ގިނަ ބައަކު ދަނީ ފާހަގަކުރަމުންނެވެ.
