ރ. ރަސްމާދޫ ސްކޫލްގެ ޕްރިންސިޕަލް އެ ސްކޫލްގެ ދަރިވަރަކަށް ޖިންސީ ގުނަވަން ދެއްކި މައްސަލައެއް ފުލުހުންނާއި ޖެންޑާ މިނިސްޓްރީއިން ބަލަން ފަށައިފި އެވެ.
މިކަން ޔަގީން ކޮށްދެއްވަމުން ފުލުހުންގެ މީޑިއާ އޮފިޝަލަކު ވިދާޅުވީ އުތުރުގެ ރަށެއްގެ ޕްރިންސިޕަލަކު ދަރިވަރަކަށް ޖިންސީ ފުރައްސާރަ ކުރި މައްސަލައެއް މިއަދު ބަލަމުން އަންނަ ކަމަށެވެ. އިތުރު މައުލޫމާތެއް ފުލުހުން ހާމަ ކޮށްފައެއް ނުވެއެވެ.
ނަމަވެސް މައުލޫމާތު ލިބިފައިވާ ގޮތުގައި މިއަމަލު ހިންގާފައިވަނީ ރ. ރަސްމާދޫ ސްކޫލް ޕްރިންސިޕަލެވެ. އަދި މިމައްސަލަ ފުލުހުންނާއި ޖެންޑާއިން ގުޅިގެން ބަލަމުންދާ ކަމަށް ވެސް މައުލޫމާތު ލިބިފައިވެއެވެ.
