ޤިޔާމަތް ދުވަހު ﷲ އެމީހަކާއި ދެކޮޅަށް ހުންނަވާނެ 3 މީހަކު ވެއެވެ!
1- ﷲ ގެ ނަންފުޅު ބޭނުންކޮށްގެން ބަސް ބުނެފައި އެ ބަސް އުވާލާ މީހާ
2- މިނިވަނަކު ވިއްކާލައި އެ ފައިސާ ބޭނުންކުރި މީހާ
3- އުޖޫރައަށް މީހަކު ލައްވައި މަސައްކަތްކުރުވުމަށްފަހު އެއްބަސްވި އުޖޫރައިން މަދުކުރާ އަދި އުޖޫރަ ނުދިން މީހާ
- ޙަދީޘް
މާތް ﷲ ގަންދީ ހުވާކުރުމަށްފަހު ހުވައާއި ޚިލާފުވުން މިއަދު މިވަނީ ޢާންމުވެފައެވެ. 1 ގައި އެވަނީ އެކަމުގެ ހުރި ނުބައިކަން ބޮޑުކަމުގެ ވާހަކައެވެ.
މީގެ ތެރެއިން 2 ވަނަ މީހާއަށް ބަލައިލުމުން އިންސާނުން އަޅުވެތިކޮށް ހަށިވިއްކުވުން ފަދަ އަމަލުތައް ކުރުވައިގެން ފައިސާ ހޯދާ މީހުންނަށް ކުރިމަތިވެދާނެ މައްސަލައަށް ބިރުވެތިވާން ޖެހެއެވެ.
3 ވަނަ ކަންތަކަށްބަލާއިރު ބޮޑު މުސާރަ ދޭނެ ކަމަށް ބުނެ ރާއްޖެއަށް މީހުން ގެނައުމަށްފަހު އެއްބަސްވި އުޖޫރަ ނުދޭ މީހުންނާއި މީހުންނަށް ދޭން ޖެހޭ މުސާރަ ނުދޭ މީހުން އިންތިހާއަށް ބިރުގަންނަން ނުޖެހޭތޯއެވެ؟
