އުއްތަމަ ފަނޑިޔާރު ޢަބްދުﷲ ދީދީ އާ ފަނޑިޔާރު އާދަމް މުޙައްމަދު މަޖިލީހުގެ ބޮޑު އަޣްލަބިއްޔަތުން މަޤާމުން ވަކިކޮށްފި އެވެ. މަޤާމުން ވަކިކުރުމަށް 69 މެންބަރުން ވަނީ ވޯޓޫ ދީފައެވެ.
މިއަދަކީ ވިސްނައިފި މީހަކަށް ޢިބްރަތަކަށް ފުދޭނެ ދުވަހެކެވެ. މަޤާމް ލިބުމުން އެއީ ﷲ ތަޢާލާ ދެއްވެވި މަޤާމެއް ކަމަށް ޤަބޫލުނުކޮށް ރައީސުލްޖުމްހޫރިއްޔާ އަންގާހައި ގޮތަކަށް އަމަލުކުރާ މީހުން މިއަދުން ފިލާވަޅެއް ލިބިގަތުން ކިތަންމެހައިވެސް މުހިންމެވެ.
ރައީސް ޔާމީން ދައުރުގައި ފަނޑިޔާރުކަން ކުރެއްވި، ޚާއްޞަކޮށް ސްޕްރީމްކޯޓުގެ ފަނޑިޔާރުކަން ކުރެއްވެވި ފަނޑިޔާރުން މިކަންކަމަށް ވިސްނެވުން ކިތަންމެހައިވެސް މުހިންމެވެ. ކަންކަމުގެ ވަގުތު ޖެހުމުން ކަންކަން މެދުވެރިވާނެތަން މިދަނީ ފެންނަމުންނެވެ. މިއީ ހަމަ މިއަދުގެ ފަނޑިޔާރުން ވެސް ޢިބްރަތް ހާޞިލުކުރަން ޖެހޭނެ ކަމެކެވެ.
