ޕާސްޕޯޓު ނަކަލުކޮށްގެން ރާއްޖެ އެތެރެވާން މަސައްކަތްކުރި ބިދޭސީ ފިރިހެނަކު މޯލްޑިވްސް އިމިގްރޭޝަނުން ހިފަހައްޓައިފިއެވެ. ވެލާނާ އިންޓަރނޭޝަނަލް އެއަރޕޯޓުން ހިފަހައްޓާފައިވަނީ ރާއްޖެ އެތެރެވާން މަސައްކަތްކުރި 44 އަހަރުގެ ބިދޭސީއެއްކަމަށް އިމިގްރޭޝަނުން މަޢުލޫމާތުދެއެވެ.
އިމިގްރޭޝަނުން ބުނީ އެމީހާގެ ޕާސްޕޯޓުގެ ބައެއް މަޢުލޫމާތު ނަކަލުކޮށްފައިވާކަމަށެވެ.
ޕާސްޕޯޓު ނަކަލުކޮށްގެން ރާއްޖެ އެތެރެވާން މަސައްކަތްކުރި 2 މީހަކު މިދިޔަ އޮކްޓޯބަރ މަހުވެސް އިމިގްރޭޝަނުން ވަނީ ހިފަހައްޓާފައެވެ. އެފަހަރު ރާއްޖެ އެތެރެވާން އުޅެނިކޮށް ހިފަހައްޓާފަިއވަނީ ބިދޭސީ އަންހެނަކާއި، އަދި އޭނާއަށް އެހީތެރިވާން އުޅުނު ބިދޭސީ ފިރިހެނެކެވެ.
މިއަހަރުގެ މިހާތަނަށް 19 މީހަކު ޕާސްޕޯޓު ނަކަލުކޮށްގެން ރާއްޖެ އެތެރެވާން މަސައްކަތްކުރަނިކޮށް އިމިގްރޭޝަނުން ވަނީ ހިފަހައްޓާފައެވެ. މި މީހުން ހިފެހެއްޓުމަށްފަހު އިމިގްރޭޝަނުން ވަނީ އަނބުރާ ޤައުމަށް ފޮނުވާލާފައެވެ.
މިނިސްޓްރީ އޮފް ކޮމިއުނިކޭޝަން ސައިންސް އެންޑް ޓެކްނޮލޮޖީން ވަނީ ރާއްޖޭގެ ބޯޑަރ ސެކުއިރިޓީ ވަރުގަދަކޮށް ރާއްޖެ އެތެރެވެ ބޭރުވާ އެއަރޕޯޓްތަކާއި، ޕޯޓް ތަކުގެ ސެކިއުރުޓީ ސިސްޓަމްތައް ވަރުގަދަކޮށްފައެވެ. އެގޮތުން ފިންގަރ ޕްރިންޓާއި، ކެމެރާއާއި، ސެކުއިރިޓީ ސޮފްޓްވެއަރތައްވެސްވަނީ ފަހުގެ ސޮފްޓްވެއަތަކަށް އަޕްގްރޭޑްކޮށްފައެވެ.
Nakalu koffaivaa (counterfeit) passporteh beynun koggen Velana International Airport in Raajje etherevumah masakkaiykuri 44 aharuge bidheysee firihenaku Maldives Immigration in huttuvaifi.#RayyithugeKhidhumathuga#BorderSecurity pic.twitter.com/poTcZMJQ8U
— Maldives Immigration (@ImmigrationMV) November 20, 2019
