"ޗުއްޓީ ދުވަސްތަކަކީ ޢާއިލާ އާއިއެކު ވަގުތު ހޭދަކުރުމަށް ލިބޭ ރަނުގެ ފުރުޞަތެކެވެ. ރަނގަޅު ޢާއިލާއެއް ބިނާކުރުމަށްޓައި ޢާއިލާގެ ފަރުދުންނާއިއެކު ގިނަ ވަގުތު ހޭދަކުރާށެވެ! އެކަމުގެ ސަބަބުން ލޯތްބާއި ގާތްކަން އިތުރުވެގެންދެއެވެ." ޝައިޚް ޢަލީ ޒާހިރު ބިން ސަޢީދު ޤާސިމް
މިއަހަރުގެ ސްކޫލްތަކުގެ އަހަރީ ޗުއްޓީ ގާތްގަނޑަކަށް ދެބައިވީއެވެ. ތޔަފާތު އުމުރުގެ ދަރިން ތިބުމުން އަހަރުގެ ދުވަސްތަކުގައި ހުރިހާ ކުދިން އެކުގައި ގޭގައި ތިބެން ލިބެނީ ވަރަށް މަދު ވަގުތުކޮޅެކެވެ. ސްކޫލަށް ނުވަތަ ޓިޔުޝަން ކްލާސްތަކަށް އަބަދުހެން ދާންޖެހިފައި އޮންނާތީއެވެ.
ވީމާ ޝައިޚް އިލްތިމާސްކުރައްވާފައި އެވަނީ ޢާއިލާއަށް އެކުގައި ވަގުތު ހޭދަކޮށްލަން ލިބޭ މި ފުރުޞަތުގެ ބޭނުން ހެޔޮގޮތުގައި ހިފުމަށެވެ. ދަރިންނަށް ލޯބިދީ ތަރުބިއްޔަތުކުރަން އިތުރަށް މަސައްކަތް ކުރުމަށެވެ.
ދަރިން ގޭގައި ތިބޭ މިދުވަސްކޮޅު އެކުދިން ޤަވާއިދުން މިސްކިތަށް ގެންގޮސް ނަމާދުކުރުވައި ނަމާދަށް އަހުލުވެރިކުރުވުމަކީ ކޮންމެހެން ކުރަންޖެހޭނެ ކަމެކެވެ.
