މުޅި އުތުރު އެމެރިކާގައި އަމިއްލަ ޚަރަދުގައި އަގުބޮޑު މިސްކިތެއް އެޅި ފުރަތަމަ އަންހެނަކަށް ޝަރަފް ޙަސީބުﷲ ވެއްޖެއެވެ. އުމުރުން 74 އަހަރުގެ ޝަރަފް ހަސީބުﷲ އަކީ ޕާކިސްތާނުން އެމެރިކާއަށް ހިޖުރަކޮށްފައިވާ އަންހެނެކެވެ.
އަމިއްލަ ފައިސާއިން 3 މިލިއަން ޑޮލަރު ޚަރަދުކޮށްގެން އޭނާ އެމެރިކާގެ ލަސް ވެގާސް، ނެވާޑާގައި މީގެ 4 އަހަރުކުރިން އެޅި މިސްކިތަށް ދީފައިވާ ނަމަކީ މަސްޖިދު އިބްރާހީމް އެވެ. އޭނާގެ އުމުރުން ދުވަސްވެ މުސްކުޅިވެފައިވާކަން ފާހަގަކޮށް އޭނާ ބުނަނީ މިއީ އޭނާއަށް ކުރެވޭނެ މިފަދަ އެންމެ ފަހު ޚިދުމަތް ކަމަށް ވެސް ވެދާނެ ކަމަށާއި މި އަމަލު ﷲ ތަޢާލާ ޤަބޫލުފުޅު ކުރއްވަވާނެ ކަމަށް އުންމީދުކުރާ ކަމަށެވެ.
2016 ވަނަ އަހަރުގެ ޖަނަވަރީ މަހު ހުޅުވި މި މިސްކިތަކީ 20000 މީހުންގެ ޖާގައިގެ ބޮޑު މިސްކިތެކެވެ. މިސްކިތް އަޅާފައިވަނީ އިސްލާމިކް ލައިބްރަރީއަކާއި ކިޔަވައިދެވޭނެ ވަސީލަތްތަކާއިއެކު އިޖުތިމާޢީ ހަރަކާތްތައްވެސް ހިންގޭނެ ގޮތަށެވެ.
