ކްރިސްމަސް ދުވަހުގެ ތަހުނިޔާ ކިޔުމުން އެ ބުނެވެނީ ﷲ ތަޢާލާއަށް ދަރިކަލަކު ދެއްވީތީ މަރުޙަބާ ކިޔާ ކަމަށެވެ. އެހެނީ ކްރިސްމަސް ފާހަގަކުރަނީ އެމީހުން ޤަބޫލުކުރާ ގޮތުގައި ﷲ ތަޢާލާއަށް ދަރިކަލަކު އުފަންވެވަޑައިގެންނެވި ދުވަސް ފާހަގަ ކުރުމަށެވެ. އެމީހުން ޤަބޫލުކުރަނީ ޢީސާގެފާނަކީ ﷲ ތަޢާލާގެ ދަރިކަލެއްގެ ގޮތުގައެވެ. އަދި ކަލަކު ކަމުގައިވެސް ޤަބޫލުކުރެއެވެ. ނުވަތަ ކުޑަ ކަލާނގެ ކަމަށެވެ.
އެއްވެސް ޝައްކެއް ނެތް ގޮތުގައި އެކަން ވާނީ ޝިރުކުގެ އަމަލަކަށެވެ! ޝިރުކުރު ކުރުމުން މަރުހަބާ ކިޔުމަކީ ވަރަށް ނުރައްކައުތެރި ކަމެކެވެ.
މުސްލިމުންނަކީ ޝިރުކުރުމުންނާއި ﷲ ތަޢާލާ ޙަރާމް ކުރެއްވެވި ކަންކަން ކުރުމުން މަރުޙަބާ ކިޔުން ހުއްދަ ބައެއް ނޫނެވެ! އަދި އެއީ އެއްވެސް މުސްލިމަކު ކުރާނެ ކަމެއްވެސް ނޫނެވެ.
- ޝައިޚް އާދަމް ނިޝާން
